04:37 09 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56
Տեսանյութեր

«Դասարանցիները» ֆիլմը էկրան կբարձրանա մարտի 5-ից. ռեժիսորը մանրամասներ է ներկայացնում

Ստանալ կարճ հղումը
715 0 0

Sputnik Արմենիայի տաղավարում հյուրընկալել ենք ռեժիսոր, դերասան Տիգրան Նալչաջյանին։ Առիթը ռեժիսորի նկարահանած նոր ֆիլմն է` «Դասարանցիները», որը էկրան կբարձրանա մարտի 5-ից։

«Դասարանցիները» ֆիլմը նախատեսված է 12 և բարձր տարիքի երեխաների համար, 6-7 տարեկաններին այն չի հետաքրքրի։ Ֆիլմը դպրոցական սիրո և դասղեկի հետ յուրահատուկ հարաբերությունների մասին է. դասարանի նախկին դասղեկը կալանավորված է և նրան պետք է փոխարինի նորը: Եվ, այդ պաշտոնը զբաղեցնում է մեկ ուրիշը, որը բացարձակ կապ չունի դպրոցական գործունեության հետ. այսպես էլ սկսվում է հետաքրքիր պատմությունը:

Տիգրան Նալչաջյանը ոչ միայն ֆիլմի ռեժիսորն է, այլև պրոդյուսերը, սցենարիստը և գլխավոր դերակատարը:

«Ֆիլմի սցենարը գրել եմ 2018 թ-ին, իսկ 2019թ-ի ապրիլ-մայիսին կատարեցինք նկարահանումները: Գլխավոր դերում Ստեփան Հովհաննիսյանն է, որին հեռուստադիողը ճանաչում է սիթքոմներից, նկարահանվել են նաև Ռոբերտ Հակոբյանը, Սահակ Դուրյանը, գլխավոր հերոսներից մեկին մարմնավորում եմ ես»,– պատմում է նա:

Քանի որ վերջին տարիներին կարծես խարխլվել է ուսուցչի կերպարը, հեղինակությունը, ռեժիսորից փորձեցինք պարզել` արդյոք ֆիլմը կնպաստի վերականգնել ուսուցչի վարկանիշը։

«Միստիկ երկիր Առան». ինչու է հետաձգվել Արցախի մասին ֆիլմի ցուցադրությունը Մոսկվայում

«Ֆիլմն իսկապես դաստիարակչական մեծ նշանակություն կունենա։ Ինչ-որ տեղ հեղինակազրկված ուսուցչի կերպարը միանշանակ վերականգնվելու է, լինի դա այս ֆիլմից հետո, թե այլ։ Լավ մասնագիտությունները կրկին լինելու են պահանջված և մասնագետներին հարգալից են վերաբերվելու,– ասում է ռեժիսորը։

Դանիել Վարուժանի մասին պատմող ֆիլմը ներկայացվել է Art Visuals and Poetry կինոփառատոնին

Նալչաջյանն ուսուցչական հանրույթից քննադատություն չի ակնկալում, հակառակը, կարծում է, որ նրանց դուր կգա։

Ռեժիսորը հավաստիացնում է` նմանատիպ մեկ այլ ֆիլմի սցենար չի կրկնօրինակել, հակառակը, փորձել է ամեն ինչ անել, որ ֆիլմը յուրօրինակ ստացվի։ 

Ըստ թեմայի

Սկորսեզեի հայազգի սցենարիստը. ինչպես իրաքահայ տղան նվաճեց Հոլիվուդը
Թատրոն, կինո, համերգ. Երևանի քաղաքապետարանը մարտի 8-ին հաճելի անակնկալ է պատրաստել
Առաջին անգամ «Օսկարի» պատմության մեջ. հարավկորեական «Մակաբույծները» գլխավոր օսկարակիրն է
«Օսկար» մրցանակաբաշխության զվարճալի ու անսպասելի պահերը. տեսանյութեր
թեգերը:
ֆիլմ, դպրոց, դերասան, ռեժիսոր, Հայաստան

Այլ տեսանյութեր

Գլխավոր թեմաներ