Տիգրան Մուկուչյանը նշում է, որ այս օրերին ամբողջ ծավալով ընթանում են նախապատրաստական աշխատանքներ, իրականացվում է տեղամասային ընտրական հանձնաժողովներում անդամներ նշանակելու գործընթացը։
«Քարոզարշավի ընթացքի վերաբերյալ մինչ օրս դիմում բողոքներ չեն եղել, իսկ մամուլում ու սոցիալական ցանցերում տեղ գտած հրապարակումներն ու գնահատականները ԿԸՀ-ն ուսումնասիրում է, և եթե հայտնաբերվեն խախտումներ, ապա հանձնաժողովը սեփական նախաձեռնությամբ վարույթ կհարուցի»,- վստահեցնում է Կենտրոնական ընտրական հանձնաժողովի նախագահը։
Ինչու որոշվեց ՍԴ հարցը լուծել հանրաքվեով. Բադալյանը` առաջիկա ընտրությունների մասին
Մուկուչյանի խոսքով` մինչև օրս քարոզարշավն ընթանում է բավականին հանգիստ։
«Այդ հանդարտությունը պայմանավորված է քարոզարշավի համար սահմանված ժամանակահատվածով»,-նկատում է Տիգրան Մուկուչյանը։
Պաշտոնյան համոզված է, որ ընտրական գործընթացը կընթանա օրենսգրքի պահանջներին համապատասխան։
