09:21 04 հունիսի 2020
Ուղիղ եթեր
  • USD482.38
  • GBP607.22
  • EUR540.89
  • RUB7.05
Տեսանյութեր

Գանձապահից երգչուհի. Լուսինեն հիացրել է «Ну-ка, все вместе!» շոուի ժյուրիին. տեսանյութ

Ստանալ կարճ հղումը
282 0 0

Տաղանդավոր երգչուհին պատմել է, որ գանձապահ է աշխատել շինանյութի խանութում, աշխատանքից ազատվել է տնօրենի կնոջ խանդի պատճառով և որոշել է միայն երգել։ Նա իր կատարմամբ «հոսանքահարել» է ռուսական շոու բիզնեսի ներկայացուցիչներին։

Երգչուհի Լուսինե Հարությունովան, որը հայ հանդիսատեսին հայտնի է «Հայաստանի ձայնը » երաժշտական նախագծի 4–րդ եթերաշրջանից, մասնակցել է ռուսական «Ну-ка, все вместе!» հայտնի երաժշտական նախագծին և հիացրել ժյուրիին։

Ելույթից առաջ նա պատմել է, որ 29 տարեկան է, մասնագիտությամբ` տնտեսագետ–մենեջեր, երաժշտական կրթություն չունի գանձապահ է աշխատել շինանյութի խանութում։ Աշխատանքը համատեղել է երգի հետ. ելույթներ է ունեցել բարերում ու ռեստորաններում։ Հետո խանութի տնօրենը կնոջից դիտողություններ է լսել, զգացել է, որ կինը խանդում է, և նա Լուսինեին ասել է, որ չափազանց խարիզմատիկ է նման աշխատանքի համար, խնդրել է ազատվել աշխատանքից։ Լուսինեն էլ որոշել է միայն երգել։

Լուսինեն «Ну-ка, все вместе!» նախագծի շրջանակում կատարել է ճանաչված երգիչ Rag'n'Bone Man–ի «Human» երգը և հնարավոր 100 միավորից արժանացել 99–ի։

Սեյրան Օհանյանի կինը երգում է` ես քեզ համար էրվում եմ. տեսանյութ

Նրա ելույթի մասին առաջինը խոսել է հայտնի երգչուհի, «ՎԻԱ Գրա» խմբի նախկին կատարող Նադեժդա Գրանովսկայան։

«Լուսինե, ձեր կատարումը, ձայնի տեմբրն իսկապես ֆանտաստիկ է։ Ես ամբողջ մարմնով փշաքաղվեցի։ Անչափ շնորհակալ եմ ձեզ այս բուռն զգացողությունների համար»,–ասել է նա։

Ռուսական էստրադայի հայտի երգիչ Սերգեյ Լազերևը ևս տպավորվել է երգչուհու ելույթով։

«Ձեր կատարման մեջ կային նոտաներ, որոնք լսելուց հետո կարծես հոսանքահարվում էի։ Ես ուղղակի հաճույք ստացա, դուք հիանալի ձայն ունեք, որն այնքան խորն է, պարզապես հանցագործություն կլիներ անտարբեր անցնել և չսեղմել կոճակը»։

«Ну-ка, все вместе!» շոուն բրիտանական All together now նախագծի ռուսական տարբերակն է։ Այս շոուն շատ հայտնի է Ավստրալիայում, Բրազիլիայում, Կոլումբիայում, Դանիայում, Ֆինլանդիայում, Ֆրանսիայում, Գերմանիայում, Իտալիայում, Նիդեռլանդներում, Նորվեգիայում և այլ երկրներում։

Կրքոտ և գրավիչ. Յանա Եգորյանը նկարահանվել է հայ երգչի տեսահոլովակում

«Ну-ка, все вместе!» նախագծի առաջին եթերաշրջանը եղել է 2019 թվականի մարտի 23-ին: Նախագծում հաղթող է ճանաչվել 22-ամյա Անդրեյ Լիսովսկին Սոչիից։ Նա ոչ միայն նվաճել է հաղթական գավաթը, այլև 1 միլիոն ռուբլի դրամական մրցանակ է ստացել։

Նախագիծը վարում է Նիկոլայ Բասկովը, իսկ ժյուրիի կազմը բաղկացած է 100 մասնագետից։ Ժյուրիի ղեկավարը Սերգեյ Լազերևն է: Նշենք, որ նախագծի երկրորդ եթերաշրջանի քասթինգին մասնակցել են 10,000 երգիչներ Ռուսաստանից, Ուկրաինայից, մերձբալթյան և ԱՊՀ երկրներից:

Նախագծի մրցույթային փուլ կանցնեն 70 կատարողներ, որոնցից էլ կընտրվի հաղթողը։

Աշոտյանի «Իմ լավ ընկեր» երգը վրացի երգիչն իր մայրենի լեզվով է ներկայացրել

Ըստ թեմայի

Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ
«Տընգլ-մընգլ», «Բոբիկ ջուր մի էրա». գյումրեցի ուսուցիչները երգչախումբ են հիմնել. տեսանյութ
Դուք չհանձնվեցիք, հետո էլ կինս կուրախանա․ ինչպես Մելաձեն հայ երգչին ընտրեց «Ձայնը» շոուում
Ադրբեջանցին պարտվեց. հայ երգչուհուն Դրեզդենի օպերայում հոտնկայս են ծափահարել. տեսանյութ
թեգերը:
Լուսինե Հարությունովա, տեսանյութ, երգչուհի

Այլ տեսանյութեր

Գլխավոր թեմաներ