08:06 27 հունվարի 2021
Ուղիղ եթեր
  • USD518.26
  • GBP707.79
  • EUR628.49
  • RUB6.86
Տեսանյութեր

«Ես ու ընկերներս կուզեինք մի կես ժամ ծաղիկ ծախեինք ու դզվեինք». Գարիկ Պապոյան

Ստանալ կարճ հղումը
27610

Ճանաչված հումորիստն օրիգինալ կերպով ու իրեն հատուկ հումորով է շնորհավորել հայ կանանց ու աղջիկներին։

Դերասան, հումորիստ Գարիկ Պապոյանը յուրահատուկ ձևով է շնորհավորել կանանց միջազգային օրը։ Նա Facebook-ի իր էջում հումորային տեսանյութ է հրապարակել, որում երգում է այն մասին, թե ինչպես կարող էր ընկերների հետ ծաղիկ ծախել և  հարստանալ։

«Այսօր մարտի 8–ն է կանայք, աղջիկներ, այս հրաշք օրը նորից է եկել, երբ ես ու ընկերներս կուզեինք մի կես ժամ ծաղիկ ծախեինք ու դզվեինք»,– երգում է նա։

Տեսանյութին կից հումորիստը գրել է. «Կարևորը սրտանց շնորհավոր մարտի 8»։

Հավելենք, որ այսօր շատ երկրներում նշում են կանանց միջազգային օրը: Այն արտահայտում է կանանց իրավունքների համար ստեղծված շարժումը։ 1908թ.-ի ցույցը, երբ 5 հազար կանայք երթ անցկացրին Նյու Յորքում ու պահանջեցին, որ աշխատանքային ժամերը նվազեցնեն ու տղամարդկանց հավասարազոր իրավունքներ ունենան։

1910թ.-ին գերմանացի քաղաքական գործիչ Կլարա Ցետկինը 1910-ի Սոցիալիստ կանանց միջազգային կոնֆերանսի ժամանակ առաջարկեց աշխատավոր կանանց օր սահմանել:

Կանանց միջազգային օրն առաջին անգամ նշվեց 1911թ–ին Ավստրիայում, Գերմանիայում, Դանիայում և Շվեյցարիայում: Ռուսաստանում այն առաջին անգամ նշվեց 1914թ–ին:

Տեղին է կանանց իրավունքների բարձրաձայնումը. ՀՀ վարչապետն ու նախագահը շնորհավորել են կանանց

1977թ.–ին ՄԱԿ–ը Մարտի 8-ը հռչակեց «Կանանց միջազգային տոն»: ՀՀ անկախության հռչակումից հետո` Մարտի 8-ը հանվեց երկրի պետական տոնացույցից: Փոխարենն ապրիլի 7-ը հռչակվեց «Մայրության ու գեղեցկության օր»: 2001թ–ին ընդունվեց տոների և հիշատակի օրերի մասին նոր օրենք, որով Մարտի 8-ը կրկին վերականգնվեց պետական տոնացույցում:
Հայաստանում ընդունված է նշել կանանց մեկամսյակ, որը ձգվում է մարտի 8–ից մինչև ապրիլի 7–ը, քանի որ ապրիլի 7–ը մեր երկրում մայրության և գեղեցկության օրն է։

Ըստ թեմայի

Ի՞նչ են մտածում օտարերկրացի կանայք հայուհիների մասին
Կանայք Հայաստանի Ազգային ժողովի պատմության մեջ
«Մա՛յր իմ, արևս կուզեի քեզ տալ». հայ զինվորների շնորհավորանքները մարտի 8–ի առթիվ
թեգերը:
կանանց իրավունքներ, Գարիկ Պապոյան, աղջիկ, Հայաստան

Այլ տեսանյութեր

Գլխավոր թեմաներ