05:59 30 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Տեսանյութեր

Երևանի քաղաքապետարանն ախտահանում է քաղաքային տրանսպորտը. տեսանյութ

Ստանալ կարճ հղումը
Կորոնավիրուսը Չինաստանում և աշխարհում (714)
42320

Երևանի քաղաքապետարանը սկսել է ախտահանել ավտոբուսներն ու տրոլեյբուսները, մարդիկ էլ սկսել են հարցեր տալ ու կատակել։

Երևանի քաղաքապետի հանձնարարությամբ, ՀՀ առողջապահության նախարարության ցուցումով համապատասխան մասնագիտական միջոցներով ախտահանվում են քաղաքապետարանի ենթակայության հանրային տրանսպորտի միջոցները։ Ախտահանումը կիրականացվի ամեն օր, հերթափոխից հետո։ Տեղեկությունը հայտնում է քաղաքապետի մամուլի խոսնակ Հակոբ Կարապետյանը։

«Ախտահանվող տրանսպորտային միջոցները յուրաքանչյուր հաջորդ օրը առավոտյան արդեն պատրաստ կլինեն շահագործման»,– Facebook–ի իր էջում գրել է նա և լուսանկարներ հրապարակել։

Կարապետյանի գրառմանը հաջորդել են հարց–մեկնաբանությունները։

«Իսկ մեջը հարսանիք անել թույլատրվո՞ւմ ա», «իսկ մարշուտկե՞քը», «որ դու չլինեիր, ես լողացողը չէի»,– գրել են նրանք։

Համացանցում հրապարակված տեսանյութում էլ երևում է, թե ինչպես են ախտահանում ավտոբուսները։ Աշխատանքներն իրականացնում է «Ախտահանման կենտրոն» ՓԲԸ–ն, որը պայմանագիր ունի Երևանի քաղաքապետարանի հետ։

Նշենք, որ Հայաստանում կորոնավիրուսով վարակվածների թիվն արդեն հասել է 20-ի։ Մեր երկրում վարակի առաջին դեպքը բացահայտվել էր մարտի 1-ին. վարակվածը Իրանից ՀՀ վերադարձած 29–ամյա տղամարդ էր։ Մարտի 11-ին ՀՀ–ում կորոնավիրուսի երեք նոր դեպք էր հայտնաբերվել։ Վարակվածները եկել էին Իտալիայից։ Նրանցից մեկն Էջմիածնի բնակչուհի է և, ըստ լուրերի, գնացել էր Իտալիա` որդու ընտրյալի համար հարսանյաց զգեստ գնելու։ Դրանից հետո կինը մասնակցել է որդու նշանադրությանը։ Մարտի 11-ին հաստատված դեպքերից հետո վարակվածների թիվը սկսեց ամեն օր ավելանալ։

Կորոնավիրուսի թեստ են հանձնել նաև ՀՀ վարչապետ Նիկոլ Փաշինյանն ու նրա կինը` Աննա Հակոբյանը, պատասխանները բացասական են։

Վարչապետն ավելի վաղ հայտնել էր, որ 29–ամյա տղամարդուն թեստավորել են, և թեստը բացասական է եղել։ Այսինքն` նա բուժվել է։

թեմա:
Կորոնավիրուսը Չինաստանում և աշխարհում (714)
թեգերը:
տեսանյութ, Տրանսպորտ, կորոնավիրուս, Հայաստան

Այլ տեսանյութեր

Գլխավոր թեմաներ