06:51 01 հունիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Տեսանյութեր

Երևանյան եկեղեցու բակում մարդիկ են հավաքվել. աղոթքի համար խոչընդոտներ չկան. տեսանյութ

Ստանալ կարճ հղումը
10010
© Sputnik /

Ավագ հինգշաբթիի ժամերգության արարողությունն անցկացվել է եկեղեցու բակում։ Sputnik Արմենիայի տեսանյութում երևում է, որ հավատացյալները պահպանել են սոցիալական հեռավորությունը։

Երևանում՝ 10-րդ դարի Սուրբ Աստվածածին մատուռի և Սուրբ Աննա եկեղեցու բակում, առավոտյան ժամերգություն է անցկացվել։ Այսօր Ավագ հիգշաբթի է. առավոտյան ժամերգությունից հետո կատարվում է ապաշխարողների արձակման կարգ։ Այն տարվա մեջ արվում է մեկ անգամ, և այդ ընթացքում երգվում են ապաշխարության շարականներ, ընթերցվում՝ աղոթքներ, մաղթանքներ, քարոզներ:

Ժամերգության արարողությունը տեղի է ունեցել եկեղեցու բակում, որպեսզի հավատացյալները կարողանան մասնակցել դրան։ Մարդիկ, իրարից բավականաչափ հեռավորություն պահելով, մասնակցում էին ժամերգությանը։

Ծաղկազարդը` համավարակի պայմաններում. ինչպես Հայաստանում տոնեցին օրհնյալ կիրակին

Ի դեպ, Ավագ հինգշաբթի օրը հայ եկեղեցիներում տեղի է ունենում նաև Ոտնլվայի կարգ: Այդ օրը պատարագիչ քահանան 12 դպիրների հետ բարձրանում է խորան և ոտնլվայի արարողակարգի ժամանակ լվանում նրանց ոտքերը: Այս արարողության հիմքը Ավետարանում նկարագրվող պատմությունն է, երբ Վերջին ընթրիքից առաջ Հիսուսը լվանում է իր աշակերտների ոտքերը: Ոտքերը իրականում լվանում էին ծառաները, ստրուկները, աղախինները: Այսինքն` այս գործը անպատվաբեր մի բան էր համարվում, որը պետք է կատարեին տան աշխատողները: Որպես խոնարհության բացառիկ օրինակ`Քրիստոսն առաջինը վեր կացավ, սրբիչը կապեց իր մեջքին և լվաց աշակերտների ոտքերը՝ առաջինը կանչելով Պետրոս առաքյալին:

Եկեղեցու հայրերն այս օրինակի մեջ նաև Մկրտության խորհուրդն են տեսնում: Եթե մեկը հյուր էր գալիս ինչ-որ մեկի տուն, առանց ոտքերը լվանալու ներս չէր կարող մտնել, այդպես էլ որևէ մարդ առանց մկրտության չի կարող եկեղեցի և երկնքի արքայություն մտնել:

Վեհափառը հանրապետական մաղթանք է կատարում հանուն երկրի ու ժողովրդի բարօրության. տեսանյութ

Ըստ թեմայի

«Սա լավ նշան է». Մայր Աթոռում աղավնին աղոթքի ողջ ընթացքում նստել էր խաչի վրա. տեսանյութ
«Նման բան մեր եկեղեցում դեռ չէր եղել». Ծաղկազարդին հավատացյալները մասնակցում են «վիրապից»
Ինչու է դուրս բերվել Սուրբ Գեղարդը. ժանտախտին հաղթած սրբությունն ընդդեմ կորոնավիրուսի
թեգերը:
տեսանյութ, Եկեղեցի, Երևան, Հայաստան

Այլ տեսանյութեր

Գլխավոր թեմաներ