08:27 08 հուլիսի 2020
Ուղիղ եթեր
  • USD485.12
  • GBP605.43
  • EUR546.92
  • RUB6.72
Տեսանյութեր

Մենք մի պատասխան ունենք աշխարհին. Գագիկ Գինոսյանը երիտասարդների հետ պարում է Սարդարապատում

Ստանալ կարճ հղումը
Ապրիլի 24. Հայոց ցեղասպանության չմոռացվող էջը (85)
36640

Գագիկ Գինոսյանը վստահ է, որ հայ ազգը պետք է պատմությունից դասեր քաղի ու հիշի` եթե խոնարհ լինի, իրեն միշտ էլ կոտորելու են։

«Կարին» երգի և պարի համույթի հիմնադիր ու գեղարվեստական ղեկավար Գագիկ Գինոսյանը Facebook սոցիալական ցանցի իր էջում «Ցեղասպանության պատասխանը հայոց հերոսամարտն է» խորագրով տեսանյութ է հրապարակել։

Տեսանյութի սկզբում նա իր խոսքն է հղում հայությանը, հետո 5 երիտասարդների հետ սկսում է պարել Սարդարապատի հուշահամալիրի մուտքի մոտ։

«Այսօր ապրիլի 24-ն է, և օրենքով բոլորս պետք է Ծիծեռնակաբերդ գնայինք, բայց բարձունքը փակ է, և երևի ճիշտը դա է։ Այն, ինչ 1915 թվականին արեցին թուրքերը, իրենց պատասխանը ստացան 1918 թվականին Սարդարապատում։ Այն ազգը, որը գլխահակ կոտորվում էր 1915 թվականի ապրիլին, 1918 թվականի մայիսին ապացուցեց, որ դա ուղղակի սխալմունք էր»,- ասում է Գինոսյանը։

Նրա խոսքով՝ հենց 1918 թվականին մի բուռ մնացած հայությունը հասկացավ, որ ինքն է իր գլխի տերը, հասկացավ, որ քանի ինքը խոնարհ է, իրեն պիտի կոտորեն։

Մինչ պարը սկսելը Գինոսյանը, խոսքն ուղղելով ժողովրդին, մեջբերում է Պարույր Սևակի «Սարդարապատ» բանաստեղծության առաջին տողերը․ «Երբ չի մնում ելք ու ճար, խենթերն են գտնում հնար»։

Հիշեցնենք, որ այս տարի կորոնավիրուսային իրավիճակով պայմանավորված՝ ՀՀ քաղաքացիները չեն կարողանա այցելել Ծիծեռնակաբերդի հուշահամալիր:

Այսօր Հայաստանում և Արցախում բնակվող մեր հայրենակիցները կարող են 1915 կարճ համարին ուղարկել sms հաղորդագրություն և երեկոյան Ծիծեռնակաբերդի սյուներին լուսապատկերի միջոցով տեսնել իրենց անուն-ազգանունները, ապահովելով իրենց խորհրդանշական մասնակցությունը։ Իսկ սփյուռքի մեր հայրենակիցները կարող են իրենց անուն- ազգանունները ուղարկել 0037433191500 հեռախոսահամարին։ Մեկ հաղորդագրության արժեքը կլինի 1 դրամ։

թեմա:
Ապրիլի 24. Հայոց ցեղասպանության չմոռացվող էջը (85)

Ըստ թեմայի

Հասան Ջեմալը Հայոց ցեղասպանության թեմայով գրառում է արել
«Եկեք հարգենք կյանքը»․ Մխիթարյանի հուզիչ գրառումը Հայոց ցեղասպանության տարելիցի մասին
«Ես հայ եմ։ Ես 3000 տարեկան եմ»․ ռուսաստանցի աստղերը տեսանյութ են տարածել
թեգերը:
Գագիկ Գինոսյան, Պար, Սարդարապատ, Ծիծեռնակաբերդ, Հայաստան

Այլ տեսանյութեր

Գլխավոր թեմաներ