00:06 04 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Տեսանյութեր

Ավետ Բարսեղյանի աներոջ պահարանի դուռը փորձել են սխտորճզմիչով բացել. տեսանյութ

Ստանալ կարճ հղումը
478 0 0

Ոստիկանությունը տեսանյութ է հրապարակել, որում երևում է, թե ինչպես է հաղորդավար, երգահան Ավետ Բարսեղյանի աներոջ տուն մտած անհայտ անձը տակնուվրա արել այն։

Ոստիկանությունը տեղեկացնում է, որ բացահայտել են ապրիլի 12-ին Երևանում կատարված բնակարանային գողության դեպքը, որի ժամանակ տանտիրոջը 40 մլն դրամից ավել վնաս էին պատճառել։

Հայտնել էինք, որ տուժածը` Աբրահամ Ք-ն, հայտնի հաղորդավար, երգահան Ավետ Բարսեղյանի կնոջ հայրն է։

«Ապրիլի 12-ի գիշերը ոստիկանության Մալաթիայի բաժնում բնակարանային գողության վերաբերյալ ահազանգ ստացվեց։ Թիրախը Դանիել Վարուժանի փողոցի առանձնատներից մեկն էր։ Ահազանգով դեպքի վայր մեկնած օպերատիվ-քննչական խումբը պարզել է, որ ներս են մտել, բացել տան դռներից մեկը և գտել տանտիրոջ չհրկիզվող պահարանը, որը պատի մեջ էր»,–նշված է հաղորդագրության մեջ։

Տուն մտած անձը փորձել էր սխտորճզմիչով բացել պահարանի դուռը, բայց չէր կարողացել, հետո դուրս էր եկել տնից ու վերադարձել արդեն երկաթե գործիքով։ Դրանով բացել էր պահարանի դուռը՝ հափշտակելով փող ու զարդեր։

Դեպքի հետ կապված` իրավապահների տեսադաշտում հայտնվել է նույն թաղամասում բնակվող 32-ամյա մի տղամարդ, որը մայիսի 1-ի գիշերը Երևանի Աճառյան փողոցում հայտնաբերվել ու բերման է ենթարկվել ոստիկանության Մալաթիայի բաժին։ Նա ձերբակալվել է։

Հիշեցնենք, որ ավելի վաղ հայտնել էինք, որ ապրիլի 12-ին՝ ժամը 23։30-ի սահմաններում, Երևանի Դ․ Վարուժանի փողոցի տներից մեկի բնակիչ՝ 58-ամյա Աբրահամ Ք-ն ահազանգել էր ոստիկանության Մալաթիայի բաժին և հայտնել, որ նույն օրը, ժամը 19։00-ից մինչև 23։00-ն ընկած ժամանակահատվածում, անհայտ անձը կամ անձինք դեռևս անհայտ պայմաններում մտել են իր տուն և այնտեղից գողացել ոսկյա, արծաթյա զարդեր և գումար։

32-ամյա տղամարդը կասկածվում է Ավետ Բարսեղյանի աներոջ տնից գողություն կատարելու մեջ

Ըստ թեմայի

Ինչո՞ւ ոստիկանությունը որոշ դեպքերում ուժ չի կիրառում. Բաղդասարյանը` վերջին դեպքերի մասին
Ոստիկանության Գեղարքունիքի մարզային վարչության պետն ազատվել է աշխատանքից
Կնկարենք ծանոթ-անծանոթների խախտումները. ոստիկանությունը որոշել է՝ ինչպես է դա արվելու
թեգերը:
տեսանյութ, ՀՀ Ոստիկանություն, Ոստիկանություն, գողություն, Ավետ Բարսեղյան

Այլ տեսանյութեր

Գլխավոր թեմաներ