23:47 07 հուլիսի 2020
Ուղիղ եթեր
  • USD485.12
  • GBP605.43
  • EUR546.92
  • RUB6.72
Տեսանյութեր

Ընձառյուծը 50 տարի անց վերադարձել է Տավուշի մարզ․ տեսանյութ

Ստանալ կարճ հղումը
235 0 0

WWF տեսախցիկները որսացել են, թե ինչպես է ընձառյուծը զբոսնում Ենոքավանում։ Ընձառյուծ վերջին անգամ այդ տեղանքում տեսել են 1970-ականներին։

Վայրի բնության հիմնադրամի (WWF) հայաստանյան գրասենյակը տեղեկացնում է, որ 50 տարվա դադարից հետո ընձառյուծը վերադարձել է Տավուշի մարզ։ Գրասենյակը նաև Facebook-յան իր էջում տեսանյութ է հրապարակել, որտեղ ընձառյուծը երևում է իր ողջ հմայքով։

«Դեռ 2019–ի նոյեմբերի 19-ին լուրեր տարածվեցին, որ Ենոքավանի բնակիչներից մեկի վրա ընձառյուծ է հարձակվել: Հետագայում հարձակումից տուժած գյուղացու հագուստից որպես նմուշ վերցված կենդանու մազերի լաբորատոր հետազոտությունը, որը կատարվել էր Գերմանիայում, 99% ճշտությամբ հերքել էր ընձառյուծի հարձակման փաստը: Դաշտային հետազոտությունների արդյունքում նույնպես ընձառյուծի գոյության փաստ չէր հայտնաբերվել»,–նշված է գրասենյակի հաղորդագրության մեջ։

Չնայած դրան, WWF Հայաստանի մասնագետները շարունակել են դաշտային հետազոտությունները։ Ընդլայնվել է տեսախցիկների տեղադրման աշխարհագրությունը։ Հետազոտություններին մեծ աջակցություն են ցուցաբերել հենց ինքը՝ Արման Գաբրիելյանը, Ենոքավանի բնակիչները, ինչպես նաև «Ապագա ռեզորթ» ընկերությունը․ արդյունքում՝ տեսախցիկները ֆիքսել են ընձառյուծին։

Ընձառյուծն ինքնամեկուսացել է Խոսրովի անտառում. նոր լուսանկարի հումորային արձագանքները

Ի դեպ, այդ տարածքում վերջին անգամ ընձաառյուծ հանդիպել է 1970-ականներին։ Տավուշը դարձավ չորրորդ մարզը Հայաստանում, որտեղ ընձառյուծ է բնակվում։

ՀՀ վարչապետ Նիկոլ Փաշինյանը ևս տարածել է ընծառյուծի զբոսանքի տեսանյութը Facebook սոցցանցի իր էջում, որին կից գրել է. «Ընձառյուծը Ենոքավանում։ Ֆանտաստիկ նորություն»։

Հիշեցնենք, որ Արման Գաբրիելյանը Sputnik Արմենիայի հետ զրույցում պատմել էր, որ 5 րոպե կռիվ է տվել ընձառյուծի հետ, որը ժայռից թռչել էր նրա ուղղությամբ։ Երբ Արմանը նկատել էր հովազին, ձեռքը բռունցք էր արել ու մտցրել նրա երախի մեջ, որպեսզի կենդանին դեմքը չվնասի։ Շուրջ 5 րոպե կռիվ տալուց հետո ընձառյուծը հեռացել էր։

Ըստ թեմայի

Տխուր սիրո պատմություն. Կարմիր գրքի հովազը Հայաստանում փնտրում է իր կեսին և չի գտնում
Ընձառյուծը հարձակվում է շան վրա, բայց նման հակահարվածի հաստատ չէր սպասում. տեսանյութ
Կովկասյան ընձառյուծի հերթական «սելֆին». այս անգամ էլ նրան ֆիքսել են Ուրցաձորում
Արջի և քոթոթների զբոսանքը, վայրի խոզերի ըմբշամարտն ու ընձառյուծի ֆոտոսեսիան. «Խոսրովի անտառ»
թեգերը:
տեսախցիկ, ընձառյուծ, Տավուշ, Հայաստան

Այլ տեսանյութեր

Գլխավոր թեմաներ