16:42 12 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Տեսանյութեր

Պակիստանում կործանված ինքնաթիռի անձնակազմի զրույցն ու կադրերը հայտնվել են համացանցում

Ստանալ կարճ հղումը
226 0 0

Դեպքի վայրում փրկարարական աշխատանքներ են իրականացվում։ Զոհերի մասին դեռ հստակ տեղեկություն չկան, սակայն ինքնաթիռն ընկել է մարդաշատ շրջանի շենքի վրա։

Համացանցում հայտնվել են կադրեր Կարաչիի մերձակայքում «Պակիստան ավիաուղիների»  ավիաընկերության Airbus 320 օդանավի կործանման վայրից, որում եղել են 99 ուղևորներ ու անձնակազմի 8 անդամ:

Ականատեսների տվյալներով ՝ օդանավն ընկել է մի քանի բնակելի տների վրա, սակայն մինչ այդ այրվել է օդում: Կան զոհեր եւ վիրավորներ։

Պակիստանցի կինոդերասան, հեռուստահաղորդավար, երգիչ և օդաչու Ֆակհար է Ալամը Twitter-ում տեղադրել է անձնակազմի խոսակցությունն ու ուղևորների ցուցակը ՝ չնշելով տեղեկատվության աղբյուրը:

Բացի այդ, արդեն վերծանվել է օդաչուի և դիսպետչերի զրույցը: Օդաչուն հայտնել է շարժիչի խափանման մասին, դիսպետչերն անմիջապես փոխանցել է վայրէջքի համար ազատ գոտիների համարները, սակայն օդանավից ահազանգ է ստացվել աղետի մասին:

Պակիստանի վարչապետ Իմրան Խանն արձագանքել է տեղի ունեցածին ՝ ցավակցություն հայտնելով զոհվածների հարազատներին: Նա հայտարարել է, որ ցնցված է տեղի ունեցածից։ Խանը հավելել է, որ անհապաղ հետաքննություն կանցկացվի։

Վարչապետը նաև տեղեկացրել է, որ Կարաչիի բոլոր խոշոր բժշկական կենտրոններն անցել են աշխատանքի արտակարգ ռեժիմի՝ աղետի հետևանքները վերացնելու համար: Զոհերի ճշգրիտ թվի մասին առայժմ տեղեկություններ չկան, հաղորդվում է առնվազն 107 զոհի մասին:

Ինչպես արդեն տեղեկացրել էինք, «Պակիստան ավիաուղիների» ինքնաթիռը, որը Լոհոարից Կարաչի է մեկնել, այսօր կործանվել է Կարաչիի օդանավակայանի մոտ։

թեգերը:
Վիրավոր, Զոհ, ինքնաթիռ, ավիավթար, Պակիստան

Այլ տեսանյութեր

Գլխավոր թեմաներ