17:40 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Տեսանյութեր

Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա

Ստանալ կարճ հղումը
14802
© Sputnik / Ruptly

Առաջին անգամ չէ, որ ԱՄՆ-ն սեփական անզորության մեղքը բարդում է Ռուսաստանի վրա։ Այդպես եղավ 2016 թվականին, երբ Հիլարի Քլինթոնը պարտվեց նախագահական ընտրություններում։ Այդպես է նաև հիմա, երբ ամերիկյան իշխանությունը ոչ մի կերպ չի կարողանում վերահսկել սեփական քաղաքացիներին։

Աֆրոամերիկացի Ջորջ Ֆլոյդի մահվան պատճառով ԱՄՆ-ում շարունակվում են զանգվածային բողոքի ակցիաները։ Նա մահացել է ձերբակալության ժամանակ Մինեսոտա նահանգի Մինեապոլիս քաղաքում։

Մայիսի վերջին տեղի ունեցած միջադեպից հետո ամբողջ երկրում բողոքի ակցիաներ են կազմակերպվում։

Հարյուրավոր մարդիկ դուրս են գալիս Մինեապոլիսի, Նյու Յորքի, Վաշինգտոնի ու ԱՄՆ-ի մի շարք այլ խոշոր քաղաքների փողոցներ` բողոքելով ոստիկանների ամենաթողությունից։ Բազում քաղաքներում խաղաղ ցույցերը վերածվել են անկարգությունների ու ոստիկանության հետ բախումների։

Մարդիկ խանութներ են թալանում, կոտրում են ցուցափեղկերն ու այրում աղբամանները։ Ցույցերի ընթացքում անգամ ՌԻԱ Նովոստիի թղթակից Միխայիլ Տուրգիևն է տուժել, ինչի պատճառով ՌԴ դեսպանությունը նոտա է հղել Պետդեպարտամենտին։ Մի շարք նահանգներում օգնության են հասել ԱՄՆ ազգային գվարդիան, սակայն ո՛չ գվարդիան, ո՛չ արցունքաբեր գազը, ո՛չ էլ ռետինե փամփուշտները չեն կարողանում ճնշել խռովությունները։ Այդ ֆոնին Բարաք Օբամայի նախկին խորհրդական Սյուզան Ռայսը մեղադրանք է հնչեցրել Ռուսաստանի հասցեին։

Մեր տեսանյութում ներկայացնում ենք՝ ինչի համար են այս անգամ մեղադրում Մոսկվային, և այս ամենի հետ ինչ կապ ունի Դոնալդ Թրամփի բունկերը։

Սոցիալական կայքերը հեղեղված են ԱՄՆ-ում տեղի ունեցող բողոքի ակցիաների տեսանյութերով

Ըստ թեմայի

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ
Ինչու են Ռուսաստանին մեղադրում ԱՄՆ անկարգությունների մեջ. պարզաբանում է Կուբիշկինը
«Իրականություն վերադարձեք». Զախարովան պատասխանել է ԱՄՆ նախագահի նախկին խորհրդականին
թեգերը:
Բողոքի ակցիա, տեսանյութ, Ռուսաստան, ԱՄՆ

Այլ տեսանյութեր

Գլխավոր թեմաներ