21:39 13 օգոստոսի 2020
Ուղիղ եթեր
  • USD485.17
  • GBP634.70
  • EUR574.15
  • RUB6.60
Տեսանյութեր

Բակերում դիմակ չդնելու համար 10 օրում 1264 քաղաքացու նկատմամբ արձանագրություն է կազմվել

Ստանալ կարճ հղումը
92 0 0

Արձանագրություն կազմելը դեռ չի նշանակում, որ քաղաքացին այդ պահին տուգանվում է։ Ոստիկանությունը զգուշացնում է՝ բակային ստուգայցերը ուժեղացված ռեժիմով շարունակվում են։

ՀՀ ոստիկանությունը հայտնում է, որ բակային ստուգայցերի արդյունքում հայտնաբերվել են սահմանված կարգի խախտման բազմաթիվ դեպքեր, 10 օրում 1264 արձանագրություն է կազմվել բակերում դիմակներ չդրած քաղաքացիների նկատմամբ։

«Պարետի որոշումներով, ի թիվս այլ պահանջների, մարդիկ դիմակ պետք է դնեն ոչ միայն կանգառներում, հանրային տրանսպորտից և տաքսիներից օգտվելիս, այլև հանրային բացօթյա վայրերում, այդ թվում՝ բակերում։ Արտակարգ դրության իրավական ռեժիմի կանոնների պահպանման նկատմամբ հսկողության շրջանակներում ոստիկանության կարգախմբերը ամենօրյա ռեժիմով ուժեղացված ծառայություն են իրականացնում նաև բակերում՝ հայտնաբերելով սահմանված կարգի խախտման դեպքեր», - գրված է հաղորդագրությունում։

Ոստիկանությունը զգուշացնում է՝ բակային ստուգայցերը ուժեղացված և ամենօրյա ռեժիմով շարունակվում են։

Արձանագրություն կազմելը դեռ չի նշանակում, որ քաղաքացին այդ պահին տուգանվում է։ Կազմվում է վարչական իրավախախտման վերաբերյալ արձանագրություն, գործը քննվում է 15–օրյա ժամկետում, կայացվում է որոշում։ Դիմակ չդնելու տուգանքը 10 հազար դրամ է։

Հիշեցնենք` մարտի 16-ից Հայաստանում արտակարգ իրավիճակ է հայտարարվել, որն արդեն 3 անգամ երկարացվել է։ Եթե նորից չերկարաձգվի, արտակարգ դրության ռեժիմը կավարտվի հուլիսի 13-ին։ Դիմակներ դնելը պարտադիր է դարձել մայիսի 25-ից։

Ինչ անեն սրտանոթային հիվանդները, երբ դիմակ կրելը բարդացնում է վիճակը. մասնագետի խորհուրդը

Ըստ թեմայի

Սև, սպիտակ, մոխրագույն․ ի՞նչ վտանգներ են պարունակում հայերի սիրած գունավոր դիմակները
Հայաստանում նորաձև են դառնում կտորե դիմակները. նախարարը կոչ է անում մոդայի հետևից չընկնել
Նիկոլ Փաշինյանը դիմակներ է բաժանում փողոցում. լուսանկարներ և տեսանյութ
«Փոխանակ դու էլ նիհարես, ինձ ես ասում` մի նիհարի». Փաշինյանն Էրեբունիում դիմակ է բաժանում
թեգերը:
դիմակ, Ոստիկանություն, Հայաստան

Այլ տեսանյութեր

Գլխավոր թեմաներ