23:05 05 օգոստոսի 2020
Ուղիղ եթեր
  • USD485.52
  • GBP637.44
  • EUR575.63
  • RUB6.66
Տեսանյութեր

Փլուզված տանիք, «մաղ» դարձած պատ. Չինարիում ավերվել են հացի փուռն ու հարակից տունը

Ստանալ կարճ հղումը
Հայ–ադրբեջանական սահմանին տիրող իրավիճակը (208)
12501

Տեսանյութում պարզ երևում են հակառակորդի կրակոցների հետևանքները, իսկ շվարած գյուղացին պատմում է եղելությունը։

Հակառակորդի կրակոցներից տուժել են Տավուշի Չինարի գյուղում գործող հացի փուռն ու հարակից տունը։

Հայկական միասնական տեղեկատվական կենտրոնի հրապարակած տեսանյութում երևում է հացի փռի փլուզված պատն ու տանիքը, կրակոցներից «մաղ» դարձած դիմացի տան պատն ու վնասված խողովակների հետևանքով առաջացած «լճակները»։

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 15-ի պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

Հուլիսի 16–ի առավոտյան ՊՆ–ն հայտնեց, որ գիշերը՝ ժամը 03:40-ի սահմանում, ՀՀ ԶՈւ դիրքապահները հակառակորդի շարժ են նկատել։ Անցնելով շրջանաձև պաշտպանության՝ հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։ Այնուհետև ադրբեջանական ստորաբաժանումները ժամը 05:20-ին սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:

Տավուշում հրշեջներն աշխատում են հրետակոծության տակ. ի՞նչ են հրահանգել բնակիչներին

Պաշտպանության նախարար Դավիթ Տոնոյանը կապ է հաստատել ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշչիկի հետ։ Նա ներկայացրել է ժամը 03:40-ից ՀՀ պետական սահմանին ստեղծված իրավիճակը, նշել, որ ադրբեջանական կողմն ունի բազմաթիվ վիրավորներ և զոհեր։

թեմա:
Հայ–ադրբեջանական սահմանին տիրող իրավիճակը (208)

Ըստ թեմայի

Ոստիկանությունն անվադողեր է ուղարկում սահման. տեսանյութ
Հայաստանաբնակ տասնյակ եզդիներ դիմել են, որ մեկնեն սահման. Ռուստամ Բաքոյան
Ոստիկանությունը հետևում է բանակի օրինակին. հայտարարվել է փակ մրցույթ
թեգերը:
հայ-ադրբեջանական, Ադրբեջան, հրետակոծություն, Փլուզում, Չինարի, Տավուշ, Հայաստան

Այլ տեսանյութեր

Գլխավոր թեմաներ