Էկվադորցի ամուսիններ Խուլիո Սեզար Մորա Տապիան և Վալդրամինա Մակլովիա Կինտերոս Ռեյեսը 79 տարի է ամուսնացած են։ Նրանք դարձել են աշխարհի ամենատարեց ու երկարակյաց զույգն ու հայտնվել Գինեսի ռեկորդների գրքում։
110-ամյա Խուլիոն և 104 տարեկան Վալդրամինան ամուսնացել են հեռավոր 1941 թվականին։ Դասախոսներ Խուլիոն և Վալդրամինան ունեցել 5 երեխա։ Այսօր նրանք արդեն ունեն 11 թոռ, 21 ծոռ և 9 ծոռնորդի։
«Խուլիոն ինձ գեղեցիկ բանաստեղծություններ էր գրում։ Նա գերեց ինձ պոեզիայով։ Մենք երբեք չենք վիճել։ Ցանկացած տարաձայնություն խաղաղ ենք լուծել, նույնը սովորեցրել եք նաև մեր երեխաներին», – հարցազրույցում ասում է 104–ամյա Վալդրամինան։
Նրա ամուսինն էլ վստահեցնում է, որ իրենց ընտանիքի համար միշտ չէ, որ հեշտ ժամանակներ են եղել, քանի որ ոչ բոլոր բարեկամների մոտ էր լավ հարաբերություններ դասավորվում։ Բայց նախ` զույգը սովորել է հարգել միմյանց, երկրորդն էլ նրանք բոլոր այդ բարեկամներից երկար են ապրել։
