11:42 18 սեպտեմբերի 2020
Ուղիղ եթեր
  • USD484.40
  • GBP628.46
  • EUR571.59
  • RUB6.46
Տեսանյութեր

Արի զբոսնենք Հայաստանով. գուգա՞ս ուտենք Գյումրու յաղլի, էրթանք Սև բերդ ու քիչմ կռուգ տանք

Ստանալ կարճ հղումը
84630

Sputnik Արմենիայի նկարահանող խումբն ուղևորվել է Գյումրի, պարզել Սև բերդի «գաղտնիքները», այցելել խորհրդային տարիների ավանդույթները պահպանած վարսավիրանոց ու ժամանակից հագուստի արտադրամաս։ Եթե ուզում եք իմանալ` ինչ փորձությունների միջով ենք անցել, դիտեք մեր տեսանյութը։

Սեպտեմբերի 5-ին Գյումրու օրն է։ Տոնին ընդառաջ մենք այցելեցինք հանրահայտ Սև բերդ, որն ընդգրկված է Գյումրու պատմության և մշակույթի անշարժ հուշարձանների ցանկում, և պարզեցինք, որ 1834 թվականին կառուցված ամրոցում վերանորոգում են 13 սենյակներ, որոնք ներկայացնելու են տարբեր երկրների մշակույթները։ Ռուսական սենյակը արդեն պատրաստ է։

Այնուհետև եղանք Գյումրու ամենահին վարսավիրանոցում, որը գտնվում է Վարդանանց հրապարակի մոտ։ Այսօր վարսավիրանոցում միայն տղամարդկանց են սպասարկում, մասնագետներից ոմանք էլ նույնիսկ պահպանել են խորհրդային ժամանակների գործիքները։

Մեր օպերատորը, չդիմանալով գայթակղությանը, օգտվեց առիթից ու որոշեց կտրել մազերը։

Արի զբոսնենք Հայաստանով. ինչեր են թաքնված Հովքի անանուն լճի հատակում

Դժվարությամբ գտանք այն տունը, որտեղ նկարահանվել է «Մեր մանկության տանգոն»։ Փողոցում հարցուփորձ էինք անում՝ որ ուղղությամբ գնանք, ու գյումրեցիները տարբեր կողմեր էին ցույց տալիս։ Բնակիչներից մեկն էլ նշեց, որ այնքան շատ են տները, որտեղ ֆիլմեր են նկարահանվել, որ գյումրեցիների մեծամասնությունը խառնում է։

Հետո այցելեցինք հայկական ջինսի արտադրամաս, որտեղ նաև ձեռքի աշխատանքներ կան, նույնիսկ փորձեցինք մասնագետների հետ նկարել։ Վերջում էլ յաղլի համտեսեցինք ու իմացանք ավանդական քաղցրավենիքի պատրաստման գաղտնիքները։ Դե ինչ, դուք էլ մեզ հետ եկեք Գյումրի։

Արի զբոսնենք Հայաստանով. Հորբատեղ` բնական գեյզեր, թոնրի լավաշ, պանիր և խենթացնող բնություն

Ըստ թեմայի

Հայաստանի թաքնված գեղեցկությունը. Արփի լիճ. բնություն` արհեստական ծագմամբ
Հայաստանի թաքնված գեղեցկությունը. Արագածի փեշերից թափվող հուշարձանը
Օձի պորտ. 40 միլիոն տարեկան հսկա վիշապը և ժամանակի հողմերից ծակծկված, բայց կանգուն հավատքը
թեգերը:
բերդ, Գյումրի, Հայաստան

Այլ տեսանյութեր

Գլխավոր թեմաներ