Բարձր տեխնոլոգիական արդյունաբերության նախարար Հակոբ Արշակյանը տեսանյութ է հրապարակել` ներկայացնելով հայկական հարվածային ԱԹՍ-ներից մեկը գործողության մեջ։
«Զարգացած ռազմարդյունաբերությունը անկախ Հայաստանի տնտեսական զարգացման և անվտանգության կարևոր բաղադրիչներից է»,–Facebook սոցցանցում հրապարակած տեսանյութին կից գրել է նախարարը։
Տեսանյութում երևում է, թե ինչպես է հայկական հարվածային ԱԹՍ-ն ճշգրիտ հարվածով խոցում թիրախը։
Հիշեցնենք, որ ՀՀ ՊՆ ներկայացուցիչ Արծրուն Հովհաննիսյանն ավելի վաղ հայտնել էր` հուլիսի 13-ը կմտնի պատմության մեջ որպես հայկական արտադրության ԱԹՍ-ների մարտական կիրառության օր: Առաջին անգամ հայկական մարտական ԱԹՍ-ները կիրառվեցին պատերազմի ժամանակ՝ մարտական պայմաններում և փայլուն արդյունքներ գրանցեցին։
Դրանից հետո` օգոստոսին, Հակոբ Արշակյանը հայտնել էր, որ հայ-ադրբեջանական սահմանին տավուշյան մարտական գործողություններից հետո հայկական ռազմարդյունաբերության նկատմամբ հետաքրքրությունը մեծացել է։
Հայկական արտադրության ԱԹՍ–ն փորձարկվել է. Արշակյանը տեսանյութ է հրապարակել
