03:51 28 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Տեսանյութեր

Ի՞նչ կարելի է նկարել մեր շապիկների վրա. կին ձեռներեցները մեզ հաճելիորեն կզարմացնեն

Ստանալ կարճ հղումը
56 0 0

Հայաստանի կին ձեռներեցները ոչ միայն նոր բիզնեսներ կստեղծեն, այլև դրանք կհագեցնեն հայկական հայթեքի նոր լուծումներով։ Նոր ծրագիրը կմիավորի նախագծեր գյուղատնտեսությունից, զբոսաշրջությունից, բժշկությունից և թեթև արդյունաբերությունից։

Կորոնավիրուսային ճգնաժամի հաղթահարման ճանապարհին կանանցից շատ բան է կախված։ Նրանք տնային գործերով ու բարի խոսքերով (ինչը պակաս կարևոր չէ) աջակցում են տղամարդկանց, որոնց մտահոգող խնդիրներից մեկը վաստակած գումարն է. դրանից ընտանիքի ապագան է կախված։

Այժմ կանանց բիզնես հմտությունների զարգացմանը միտված նոր ծրագրի շնորհիվ իգական սեռի ներկայացուցիչները կարող են այդ գործում էլ օգնել տղամարդկանց։ Ծրագրի շրջանակում նրանք կարող են հիմնել սեփական ձեռնարկություններ՝ հայկական տեխնոլոգիական լուծումների կիրառմամբ։

«Հայաստանյան ընկերությունների տեխնոլոգիական լուծումները շատ են, սակայն մեծ մասամբ դրանք չեն սպառվում Հայաստանում։ Այժմ մեր խնդիրն է` որ այդ լուծումներն ավելի լայնորեն մտնեն մեր տնտեսություն և սկսեն օգնել մեր ձեռնարկություններին», – Sputnik Արմենիային ասաց «Ձեռնարկությունների ինկուբատոր» հիմնադրամի ծրագրերի ղեկավար Ամալյա Եղոյանը։

Երկարաժամկետ` 16 շաբաթանոց բիզնես դասընթացների համար ձևավորվել է 25 թիմ։ Նրանց մեջ կան տարբեր գաղափարներ` վերականգնվող էներգետիկայի ոլորտի լաբորատոր փորձարկումներ, հեռավար բժշկություն, միրգ–բանջարեղենի առցանց վաճառքի հարթակ։ Կա նաև թեթև կարի արտադրամասի գաղափար, որտեղ կանայք առաջարկում են շապիկների վրա տպել հավելյալ իրականության (AR) պատկերներ, որոնք հնարավոր կլինի դիտել հեռախոսի բջջային հավելվածից։ Օրինակ` շապիկի վրա պատկերված կլինի Մհեր Մկրտչյանի ֆիլմերից մի կադր։ Մոտեցնելով հեռախոսը շապիկին` կտեսնեք այդ ֆիլմից մի դրվագ։

Կորոնավիրուսի տնտեսական հետևանքները չեզոքացնելու համար նոր միջազգային ծրագրիրն իրականացվում է Միջազգային ֆինանսական կորպորացիայի, Միացյալ Թագավորության «Լավ կառավարման հիմնադրամի» և «Ձեռնարկությունների ինկուբատոր» հիմնադրամի աջակցությամբ։

Ինչպես կարող է հաշմանդամություն ունեցող երեխայի մայրն աշխատել ու մնալ փոքրիկի կողքին

Ըստ թեմայի

Աշոցքում էլ կարելի է զարգանալ և զարգացնել. ինչպես Լիլիթը բիզնես հիմնեց և աշխատատեղեր բացեց
Կորոնավիրուսի համավարակն ու Հայաստանի տնտեսությունը. կկարողանա՞նք ոտքի վրա մնալ
«Ֆեմինիստներ չենք, բայց ամեն ինչ կարողանում ենք»․ երեք ընկերուհու հաջողության բանաձևը
թեգերը:
Ամալյա Եղոյան, բիզնես, Կին, Հայաստան

Այլ տեսանյութեր

Գլխավոր թեմաներ