16:47 31 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Տեսանյութեր

Պատերազմի ժամանակ մենք բոլորս զինվորներ ենք. Արյունաբանականի հերթը Երևանում

Ստանալ կարճ հղումը
Ադրբեջանական ագրեսիան Արցախում - 2020 (1856)
778 0 0

Հարյուրավոր մարդիկ են հավաքվել Արյունաբանական կենտրոնի շենքի մոտ, որպեսզի արյուն հանձնեն։ ԱՆ կոչին հետևելով` նրանք ցանկանում են օգնել առաջնագծի մարտիկներին։ Կենտրոնի ներսը մարդաշատ է, բայց նկարահանումներ անել չեն թույլատրում։ Ամեն րոպե տասնյակ մարդիկ են գալիս։

Յոլյանի անվան Արյունաբանական կենտրոնի մոտ հերթը մի քանի հարյուր մետր է։ Երկրի քաղաքացիներն անմիջապես արձագանքել են ՀՀ առողջապահության նախարարության կոչին և ներկայացել հանձնելու։

Կենտրոնի աշխատակիցը պարբերաբար դուրս է գալիս և հայտարարում, թե դոնորներն ինչ բժշկական ցուցանիշներով կարող են արյուն հանձնել։ Նրանք, ովքեր համապատասխանում են չափանիշներին, շարունակում են սպասել, իսկ մյուսները հեռանում են, բայց դրանից հերթը պակասում, քանի որ անընդհատ նոր մարդիկ են գալիս։

Հերթում է նաև Հովհաննես Թումանյանի անվան պետական տիկնիկային թատրոնի գեղարվեստական ղեկավար Ռուբեն Բաբայանը, որը չի համապատասխանում զորահավաքային տարիքին, ուստի որոշել է իր պարտքը տալ արյամբ։

«Մեր հնարավորությունների շրջանակում պետք է օգնենք։ Իմ տարիքում ես կարող եմ անել այնքանը։ Այլ բացատրություն չկա։ Չեմ ուզում ամպագոռգոռ հայտարարություններ անել։ Պատերազմի ժամանակ մենք բոլորս զինվորներ ենք»,- ասաց Բաբայանը։

Սպասողների թվում է նաև բժիշկ Լիլիթ Աթոյանը։ Նա արցախա-ադրբեջանական շփման գծում իրավիճակի սրման մասին տեղեկացել է լուրերից և որոշել է նախ արյուն տալ, իսկ հետո օգնել՝ մասնագիտական օգնություն ցուցաբերելով:

Նիկոլ Փաշինյանն ու Վլադիմիր Պուտինը. արխիվային լուսանկար
© Sputnik / Алексей Никольский

Այլ քաղաքացիների հետ խոսել չի հաջողվում։ Հերթը լուռ առաջ է շարժվում, միայն երբեմն կանգնած մարդկանցից ոմանք ասում են, որ իրենք չորրորդ խմբի բացասական արյուն ունեն և ներս են մտնում առանց հերթի:

«Դա հազվագյուտ արյուն է», - հերթում շշնջում են կանայք։

Կենտրոնի ներսում նույնպես թույլ չեն տալիս նկարահանումներ իրականացնել, քանի որ մարդիկ շատ են, բժիշկների համար աշխատելը դժվար է։ Ասում են` թվեր ներկայացնել դեռ չեն կարող, բայց շատերն են եկել արյուն հանձնելու։

Արցախում 16 զոհ և 100-ից ավելի վիրավորներ ունենք. Սարգսյան

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 20 անօդաչու թռչող սարք, ինչպես նաև ունի զրահատեխնիկայի կորուստներ: Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։

Հայկական կողմը 100–ից ավելի վիրավոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

Ես պատրաստ եմ զոհվելու, հայ ժողովուրդը ծնկած չի եղել և չի լինի. Փաշինյան

թեմա:
Ադրբեջանական ագրեսիան Արցախում - 2020 (1856)

Ըստ թեմայի

Արցախում ավելի քան 50 բնակավայր է թիրախավորվել. Արցախի ՄԻՊ
Կոնֆլիկտը ռազմական լուծում չունի. Բորելը խոսել է ՀՀ–ի և Ադրբեջանի ԱԳ նախարարների հետ
Մեր ու մանուկ, ամբողջ ազգով կանգնելու ենք ու հաղթենք. ԵԿՄ-ն պատրաստ է մեկնել Արցախ
թեգերը:
Ադրբեջան, Արցախ, հերթեր, Յոլյանի անվան արյունաբանական կենտրոն, արյուն

Այլ տեսանյութեր

Գլխավոր թեմաներ