01:24 27 հունվարի 2021
Ուղիղ եթեր
  • USD518.26
  • GBP707.79
  • EUR628.49
  • RUB6.86
Տեսանյութեր

Սկանդալ Արցախի մասին ֆիլմի շուրջ. ինչու Մոսկվայի կինոփառատոնից հանեցին «Դրախտի դարպասը»

Ստանալ կարճ հղումը
175 0 0

«Դրախտի դարպասները ֆիլմը» չի ցուցադրվի Մոսկվայի 42-րդ կինոփառատոնում։ Միջոցառման կազմակերպիչների որոշումը իրարանցում է առաջացրել ոչ միայն հայկական, այլև ռուսական մամուլում։

Նկարահանումներն անցկացվել են Հայաստանում ու Եվրոպայում, գլխավոր դերակատարներից են ֆրանսաբնակ Տատյանա Սպիվակովան (Վլադիմիր ու Սաթի Սպիվակովաների դուստրը), ամերիկհայ դերասանուհի Նաիրա Զաքարյանը, Սոս Ջանիբեկյանը, Ռիխարդ Զամելը, Նինա Կրոնյագերը և այլ դերասաններ։

Sputnik Արմենիային տված հարցազրույցում ՀՀ ԿԳՄՍ փոխնախարար Արա Խզմալյանը նշում է, որ նման որոշումները շատ բացասաբար են անդրադառնում կինոփառատոնի հեղինակության վրա: Միջոցառման կազմակերպիչների այս որոշմանը արդեն վատ են արձագանքել կինոարվեստի գործիչներն աշխարհի տարբեր երկրներից։

«Նման որոշում չի կարելի կայացնել առանց նախազգուշացման, առանց նախնական քննարկման։ Ոչ մի փառատոնի կազմակերպիչ իրավունք չունի անտեսել հանդիսատեսի կարծիքը և ինքնուրույն դատելու ֆիլմի բովանդակության մասին։ Առավել ևս, որ ղարաբաղյան պատերազմը ֆիլմի սյուժետային գծի միայն մի փոքր մասն է։ Այն ֆիլմ է համամարդկային արժեքների մասին, որտեղ կա դրամա, կարոտ, հիշողություններ, խոստում, սեր», - ասաց նա։

Նման միջոցառումների կազմակերպիչները, նրա խոսքով, չպետք է սադրանքի տրվեն, չի կարելի է թույլ տալ, որ քաղաքականությունն արվեստ ներխուժի։

Անդրադառնալով Մոսկվայի կինոփատառոնի ծրագրային տնօրեն Կիրիլ Ռազգոլովի պարզաբանմանը` Խզմալյանը նշեց, որ նման հիմնավորումները պետք է վիրավորական լինեն հենց կազմակերպիչների համար։

Նշենք, որ Ռազգոլովն ասել էր, որ այդ որոշումը կապված է արցախա-ադրբեջանական հակամարտության գոտում էսկալացիայի հետ։ Այլկերպ ասած`ֆիլմը հանվել է, որպեսզի Մոսկվայում հայերի ու ադրբեջանցիներ միջև բախում չլինի։

Նշենք, որ «Դրախտի դարպասները» ֆիլմի ռեժիսոր Ջիվան Ավետիսյանը նույնպես չի համաձայնել Մոկսվայի կինոփառատոնի կազմակերպիչների հետ ու ասել է, որ ֆիլմ իր մեջ ատելություն կամ քաղաքական քարոզչություն չունի։

«Ցավալի է, որ փառատոնը քաղաքական մթնոլորտի ազդեցության տակ է ընկնում, ոչ թե կինոարվեստն է առաջ տանում։ Ուզում եմ, որ երեխաներս մեծանան խաղաղ երկրում ու չմտածեն պատերազմի հետևանքների մասին։ Սրտանց ցավակցում են այն ընտանիքներին, որոնք կորցրել են իրենց սիրելիներն բախումների ընթացքում», - գրել է նա Instagram-ի իր էջում։

Ֆիլմի գլխավոր հերոս, լրագրող Ռոբերտ Ստենվալը Արցախ է գալիս 2016 թվականի գարնանը ՝ պատերազմի մասին տեսանյութ պատրաստելու համար։ Լրագրողական հետաքննության ընթացքում նա հանդիպում է երիտասարդ օպերային երգչուհի Սոֆյա Մարտիրոսյանին ։ Պարզվում է, որ Սոֆյան անհետ կորած ֆոտոլրագրող Էդգար Մարտիրոսյանի դուստրն է, ով գերեվարվել էր 1992-ին Թալիշ գյուղի գրավման ժամանակ, և որին Ռոբերտը չի փորձել փրկել գերությունից ։ Բացի այդ, Էդգար Մարտիրոսյանի ռազմի դաշտում արած լուսանկարները նա հետագայում վերագրել է իրեն։

Բոլոր կարևոր իրավիճակներում եզդի եղբայրները մեր կողքին են եղել. Արցախի նախագահ

«Դրախտի դարպասը» ֆիլմի պրեմիերան տեղի է ունեցել Երևանում և Ստեփանակերտում 2019–ի հոկտեմբերին, իսկ ամերիկյան պրեմիերան կայացել է Լոս Անջելեսում 2020թ.-ի մարտին: Ֆիլմի թրեյլերը կարելի է դիտել YouTube-ում:

Ըստ թեմայի

Մի կյանքը չի հերիքի. վրացի ռեժիսորը փող է հավաքում Փարաջանովի մասին ֆիլմ նկարելու համար
Երևանում ապրած ու Հայոց ցեղասպանության մասին ֆիլմ նկարած ադրբեջանցին ու 2 հայ եղբայրները
Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան
թեգերը:
Ղարաբաղյան հակամարտություն, Լեռնային Ղարաբաղ, Արցախ, Մոսկվա, կինոփառատոն, կինո, Հայաստան

Այլ տեսանյութեր

Գլխավոր թեմաներ