18:17 31 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Տեսանյութեր

Լրագրողը պատմում է` ինչպես են իրենք ռմբակոծության տակ ընկել. տեսանյութ

Ստանալ կարճ հղումը
Ադրբեջանական ագրեսիան Արցախում - 2020 (1859)
435 0 0

Լրագրողները Մարտունու քաղաքապետարանում նկարահանումներ անելիս են եղել, երբ հակառակորդը ռումբով հարվածել է։

Արցախի Մարտունի քաղաքում Ադրբեջանի զինուժի կողմից ռմբակոծության հետևանքով լրագրողներ են վիրավորվել։ Sputnik Արմենիայի տեսանյութում ռմբակոծության ականատես լրագրող, 24news.am-ի օպերատոր Արթուր Հարությունյանը պատմում է` ինչպես է եղել դեպքը։

«Ես ու լրագրողը Մարտունու քաղաքապետարանի ներսում էինք, երբ ռումբն ընկավ։ Մեզնից բացի ներսում ար ֆրանսիացի լրագրողների մի խումբ, էլի կային լրագրողներ, որ անմիջապես շենքի ներսում չէին, բայց մոտակայքում էին», – պատմում է Հարությունյանը։ 

Արթուրը վիրավորում չի ստացել, իսկ նրա գործընկեր` 24news.am-ի լրագրող Սևակ Վարդումյանը մեջքից բեկորային վիրավորում է ստացել։ Նա տեղափոխվել է Ստեփանակերտի հիվանդանոց։ Նույն ռմբակոծությունից վիրավորվել են ֆրանսիական Le Monde-ի 2 լրագրողներ։

Նրանցից մեկի վիճակը ծանր է, նա այժմ վիրահատվում է Ստեփանակերտի հիվանդանոցում։ Կրակի տակ է ընկել նաև Agence France-Presse միջազգային լրատվական գործակալության լրագրողներին տեղափոխող մեքենան։

Ավելի վաղ մարտական գործողությունները լուսաբանելու ժամանակ վիրավորում էր ստացել օպերատոր Արամ Գրիգորյանը, վիրավորումը թեթև է։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդն ավելի քան 1000 կենդանի ուժ է կորցրել։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 96 ԱԹՍ–ից, 11 ուղղաթիռից, 185 զրահատեխնիկայից, 3 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

թեմա:
Ադրբեջանական ագրեսիան Արցախում - 2020 (1859)

Ըստ թեմայի

Մարտունիում վիրավորվել է 24news-ի լրագրողը
Ադրբեջանական զինուժի թիրախում են հայտնվել նաև France Press–ի լրագրողները. լուսանկարներ
Ֆրանսիայից ինքնաթիռ է ուղևորվում Հայաստան՝ վիրավոր լրագրողներին տեղափոխելու
թեգերը:
ռմբակոծություն, Արցախ, Լրագրող

Այլ տեսանյութեր

Գլխավոր թեմաներ