00:49 21 հոկտեմբերի 2020
Ուղիղ եթեր
  • USD493.33
  • GBP639.50
  • EUR582.43
  • RUB6.33
Տեսանյութեր

Ադրբեջանի համար սարսափելի հետևանքներ են լինելու. Դավիթ Տոնոյան

Ստանալ կարճ հղումը
Ադրբեջանական ագրեսիան Արցախում - 2020 (1415)
1072 0 0

Դավիթ Տոնոյանը ևս մեկ անգամ շեշտում է` ՀՀ տարածքից Ադրբեջան որևէ հեռահար հրթիռակոծություն կամ հրետակոծություն չի իրականացվել... դեռևս։

ԵՐԵՎԱՆ, 4 հոկտեմբերի - Sputnik. Արցախի ԶՈՒ–ի արհեստավարժ ստորաբաժանումները պատասխանում են Ադրբեջանին և դրա հետևանքները շատ սարսափելի են լինելու Ադրբեջանի համար։

«Զինուժ մեդիայի» հարցերին ի պատասխան ասել է ՀՀ պաշտպանության նախարար Դավիթ Տոնոյանը` վստահեցնելով, որ կեղծիք են Ադրբեջանի ռազմաքաղաքական ղեկավարության պնդումները, թե ՀՀ տարածքից Ադրբեջանի բնակավայրերի հրթիռակոծություն է իրականացվել։
Ադրբեջանի պաշտպանության նախարարությունը հայտնել էր, որ Գյանջայի օդանավակայանը հրթիռակոծվել է ՀՀ–ի կողմից, ինչով պայմանավորված ռազմական գործողությունների տարածքն ընդլայնվելու է։

«Կարծում եմ` Ադրբեջանի պաշտպանության նախարարն իր խորը զինվորական գիտելիքներով խառնել է մարտական գործողությունների ընդլայնման գոտին, որը ներառում է նաև ՀՀ–ն։ Ադրբեջանը դեռ օրեր առաջ Վարդենիսի բնակավայրերը հրետակոծել է` օգտագործելով ծանր հրետանի և ԱԹՍ։ Եթե դա Ադրբեջանի ԱԳՆ–ի համար ընդլայնում չէ, մասնագետները թող եզրակացություն անեն»,–ասում է Տոնոյանը։

Ադրբեջանը վերսկսել է Ստեփանակերտի հրետակոծությունը

Նրա խոսքով` ՀՀ տարածքից Ադրբեջան որևէ հեռահար հրթիռակոծություն կամ հրետանակածություն չի իրականացվել... դեռևս։ Իսկ եթե Ադրբեջանի ԶՈՒ–ի համար Ստեփանակերտը, Մարտունին, Հադրութն ու այլ բնակավայրրեը թույլատրելի մարտական գործողությունների անցկացման վայր է, ապա Ադրբեջանի համար սարսափելի հետևանքներ են լինելու։

Ավելի վաղ հայտնի դարձավ, որ ՊԲ–ն խոցել է Գյանջայի ռազմական օդանավակայանը։ Դրան հաջորդեց Ադրբեջանի նախագահի օգնական Հիքմեթ Հաջիևի հայտարարությունը, թե կրակել է Հայաստանի ԶՈւ–ն։ ՀՀ պաշտպանության նախարարությունը հերքել էր այս լուրերը։

թեմա:
Ադրբեջանական ագրեսիան Արցախում - 2020 (1415)
թեգերը:
հայ-ադրբեջանական, Հայաստան, Արցախ, Դավիթ Տոնոյան

Այլ տեսանյութեր

Գլխավոր թեմաներ