«Կրակեցին շենքին, հետո տեսանք` մեքենան այրվում է». պատմում է Ստեփանակերտի բնակիչը

Այսօր Ստեփանակերտն արդեն մի քանի անհամ հրետակոծվել է։ Ստեփանակերտի բնակիչներից մեկը ցույց է տալիս այրված ավտոմեքենան ու ասում. «Ծառայողական մեքենան է, եկել էինք զբաղվելու թոշակների վճարման հարցերով։ Մոտավորապես 10-ի սահմանում հերթական անգամ հարձակում եղավ ադրբեջանական օդուժի կողմից։ Շենքին էին կրակել։ Նայեցի, տեսա` մեքենան այրվում է։ ԱԻՆ–ը եկավ, օգնեցին, հանգցրեցինք»։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 3-ի ժ. 22։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 2730 զոհ ունի, 4400 վիրավոր։ Հակառակորդը նաև զինտեխնկայի զգալի կորուստ ունի և շարունակում է գրանցել։

Ըստ վերջին տվյալների ՝ Ադրբեջանի զինված ուժերը կորցրել են 14 ինքնաթիռ, 14 ուղղաթիռ, 123 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 372 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ