05:20 22 հոկտեմբերի 2020
Ուղիղ եթեր
  • USD494.37
  • GBP645.35
  • EUR585.48
  • RUB6.41
Տեսանյութեր

Տղամարդիկ առաջնագծում են, կանայք` ծննդատանը. Երևանում արցախցի փոքրիկներ են ծնվել

Ստանալ կարճ հղումը
Ադրբեջանական ագրեսիան Արցախում - 2020 (1458)
195901
© Sputnik / Karine Harutyunyan, Aram Nersesyan

Արցախում ընթացող թեժ մարտերին զուգահեռ տարբեր հիվանդանոցներում ծնվում են արցախցիներ։ Երեխաներին հիվանդանոցից դուրս գրելուն ներկա չեն նրանց հայրերը, քանի որ ռազմաճակատում են։

Արցախցի նորածիններ Արթուրն ու Արիանան այսօր դուրս գրվեցին Երևանի «Սուրբ Գրիգոր Լուսավորիչ» բուժկենտրոնից. Ստեփանակերտի փոխարեն, նրանք ծնվել են Երևանում։

Նրանց մայրիկները վերջին օրերին Երևան են տեղափոխվել, որպեսզի ծննդաբերությունը խաղաղ պայմաններում անցնի։

Արթուրի մայրը` Էլլադա Կարապետյանը, անկեղծանում է` կուզեր այսօր ամուսինն առաջնագծի փոխարեն իր կողքին լիներ, ինչպես առաջին երեխայի` աղջկա ծնվելու դեպքում էր։ Բայց Էլլադան նշում է` ամուսինն այսօր առջնագծում է, որ բոլոր երեխաները խաղաղության մեջ ապրեն։

Մյուս նորածնի` Արիանայի հայրիկը նույնպես առաջնագծում է։ Նրա մայրը` Գայանե Պողոսյանը, նշում է, որ երեխայի ծնունդին ընդառաջ պատրաստվել էին, սակայն պատերազմը փոխեց բոլոր ծրագրերը։ «Ոչինչ, ես վստահ եմ, որ մեր տղերքն առաջ են գնալու, և մենք հաղթելու ենք։ Մեր հույսը նրանք են, որ աղջիկս մեծանա խաղաղ երկնքի տակ և իր հայրենիքում»,–ասաց Գայանեն։

Ի դեպ, նորածին աղջկա անունը նրա եղբայրը` Էդգարն է ընտրել։ Էդգարն ասում է, որ շատ է սիրում Արիանա անունը և ծնողներին խնդրել է քույրիկին այդպես կոչել։ Էդգարն իր հերթին խոստանում է` քրոջ հետ չկռվել ու խաղալիքները նաև նրան տալ։

Կասեցվում է թշնամու զորքերի առաջխաղացումը. Արծրուն Հովհաննիսյան

«Սուրբ Գրիգոր Լուսավորիչ»  ծննդատան վարիչ Արսեն Սարգսյանը նշում է` երկու կանանց դեպքում էլ ծննդաբերությունը հարթ է անցել, փոքրիկներն էլ իրենց լավ են զգում։ Բժիշկն ասում է` հաշվի առնելով ԲԿ դիմելիությունը, եկող տարի Արցախում «բեյբի բում» է լինելու։

թեմա:
Ադրբեջանական ագրեսիան Արցախում - 2020 (1458)

Ըստ թեմայի

Ցույց Վարշավայում․ Լեհաստանի նախագահից պահանջում են ակտիվություն ցուցաբերել Արցախի հարցում
Ռուբեն Վարդանյանը դիմել է Վլադիմիր Պուտինին
թեգերը:
Սահման, մայր, հայր, Լեռնային Ղարաբաղ, Ղարաբաղյան հակամարտություն, նորածին, Երևան, Արցախ

Այլ տեսանյութեր

Գլխավոր թեմաներ