04:26 22 հոկտեմբերի 2020
Ուղիղ եթեր
  • USD494.37
  • GBP645.35
  • EUR585.48
  • RUB6.41
Տեսանյութեր

Թշնամու ձեռագիրը. խաղաղ բնակավայրերի գիշերային հրթիռակոծության հետևանքները` տեսանյութում

Ստանալ կարճ հղումը
Ադրբեջանական ագրեսիան Արցախում - 2020 (1458)
369 0 0

Ավերակների մեջ փոշու հաստ շերտով ծածկված խաղալիքներով լի ճամպրուկ ու մանկասայլակ է։

Գիշերը թշնամին հերթական անգամ խախտել է հումանիտար հրադադարն ու հրթիռակոծել Արցախի խաղաղ բնակավայրերը, այդ թվում՝ մայրաքաղաք Ստեփանակերտը: Արցախի պաշտպանության նախարարությունը նոր տեսանյութ է հրապարակել, որում արձանագրված են հրթիռակոծության հետևանքները։

Հողին հավասարված տներ, ավերված սրճարան, խանութներ, կոտրված ցուցափեղկեր, շուրջբոլորը փշրված ապակիներ, վնասված ավտոմեքենաներ, քանդված ու դատարկ փողոցներ։ Ավերակների մեջ միայն կատու է շրջում՝ ուտելու մի բան գտնելու հույսով։

Տասնյակ կառույցներ այն աստիճան ավերակի են վերածվել, որ անհնար է անգամ ենթադրել, թե նախկինում ինչ է եղել ավերակի տեղում։

Ավերակների մեջ փոշու հաստ շերտով ծածկված խաղալիքներով լի ճամպրուկ է, մի քիչ հեռու՝ մանկասայլակ, եռանիվ հեծանիվներ, կողքին էլ՝ գնդակ։ Կարելի է գլխի ընկնել, որ այդ տանն առնվազն մեկ փոքրիկ երեխա է ապրել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

թեմա:
Ադրբեջանական ագրեսիան Արցախում - 2020 (1458)

Ըստ թեմայի

Զոհեր, վիրավորներ, 5800-ից ավելի վնասված շենքեր. 17-օրյա հրթիռակոծության հետևանքները
Ալիևի հերթական սենսացիոն հայտարարությունը` Հայաստանն ինքն է իր եկեղեցին հրթիռակոծել
Թշնամին «Սմերչով» հրթիռակոծել է Մարտունու Կարմիր Շուկա համայնքը. խաղաղ բնակիչ է զոհվել
թեգերը:
Պատերազմ, Արցախ, հրթիռակոծություն, թշնամի

Այլ տեսանյութեր

Գլխավոր թեմաներ