07:23 27 հոկտեմբերի 2020
Ուղիղ եթեր
  • USD493.24
  • GBP643.48
  • EUR582.42
  • RUB6.45
Տեսանյութեր

Ամո՛թ BBC-ին. Լոնդոնի հայերը պահանջում են դադարեցնել կողմնակալ լուսաբանումը

Ստանալ կարճ հղումը
Ադրբեջանական ագրեսիան Արցախում - 2020 (1656)
443 0 0

Այստեղից հետո էլ հայերը միանալու են Թուրքիայի դեսպանատան մոտ հույների կազմակերպած ցույցին։

Լոնդոնի հայերը բողոքի ցույց են անցկացնում BBC հեռուստաընկերության առջև։ Լոնդոնաբնակ Սուրեն Սարուխանյանի տեղեկացմամբ՝ նրանք պահանջում են դադարեցնել Արցախյան պատերազմի կողմնակալ լուսաբանումը։

«BBC, ասա՛ ճշմարտությունը», «Դադարեցրեք տարածել թուրքական ստերը», «Ամո՛թ BBC-ին», «BBC` թուրքական քարոզչություն». այսպիսի վանկարկումներով արդեն կես ժամից ավելի է` հայերը հեռուստաընկերության շենքի մոտ են։

Նրանք եկել են հայկական եռագույններով և բողոքի պաստառներով՝ «Թուրքիա, դո՛ւրս ՆԱՏՕ-ից», «Ձեր լռությունը մեր մահն է», «Դադարեցրեք թուրք-ադրբեջանական ագրեսիան», «Covid - 19, Թուրքիա - 20՝ նոր համավարակ» և այլն։

Վանկարկումների մեջտեղում բողոքի ցույցի մասնակիցները հայրենասիրական երգեր են կատարում։ Բողոքի ցույցին մի քանի հարյուր մարդ է մասնակցում։

Սուրեն Սարուխանյանի խոսքով՝ այս ցույցից հետո հայերը շարժվելու են Լոնդոնում գտնվող Թուրքիայի դեսպանատան մոտ՝ միանալու հույների կազմակերպած ցույցին։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 17-ի ժամը 13:30-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6109 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 186 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 554 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

թեմա:
Ադրբեջանական ագրեսիան Արցախում - 2020 (1656)

Ըստ թեմայի

Հայ համայնքը բողոքի ակցիա է կազմակերպել Փարիզում Թուրքիայի դեսպանատան առաջ
Էրդողանն ահաբեկիչ է. Լոնդոնում մեծ թվով հայեր բողոքի ակցիա են իրականացնում
Լոս Անջելեսի հայությունն Արցախի թիկունքին է. բազմահազարանոց բողոքի ակցիա՝ ԱՄՆ-ում
թեգերը:
Պատերազմ, Արցախ, BBC, Բողոքի ակցիա

Այլ տեսանյութեր

Գլխավոր թեմաներ