09:54 29 հոկտեմբերի 2020
Ուղիղ եթեր
  • USD492.71
  • GBP638.90
  • EUR578.69
  • RUB6.31
Տեսանյութեր

Ալիևը պետք է հասկանա, որ ոչ թե 200 000–անոց Արցախի դեմ է կռվում, այլ 10 մլն–անոց հայության

Ստանալ կարճ հղումը
Ադրբեջանական ագրեսիան Արցախում - 2020 (1751)
550 0 0

ՀՀ պաշտպանության նախարարությունը հրապարակել է Երևանի «Զվարթնոց» օդանավակայանում նկարահանված տեսանյութը, որտեղ Հայաստան ժամանող կամավորները պատմում են, թե ինչու են որոշել վերադառնալ հայրենիք ու մեկնել Արցախ։

Աշխարհի տարբեր երկրներից հայեր ու նախկին հայաստանցիներ են գալիս Հայաստան` որպես կամավորներ Արցախ մեկնելու ու հայրենիքը պաշտպանելու համար։

ՀՀ պաշտպանության նախարարը հրապարակել է Երևանի «Զվարթնոց» օդանավակայանում նկարահանված տեսանյութը, որտեղ Հայաստան ժամանողները պատմում են, թե ինչու են նման որոշում կայացրել։

Ռուսաստանից վերադարձած գյումրեցի մի տղամարդ հայտնում է, որ ինքը հետևել է որդու օրինակին, ով այս պահին կռվում է առաջնագծում։
«Իմ Ալբերտիս համար եմ եկել։ Այն, ինչ տեսնում եմ այնտեղ, իմ քունը չի տանում։ Եկել եմ հերերն անիծելու»,– ասում է տղամարդը։
Յակուտիայից Հայաստան վերադարձած մեկ այլ տղամարդ էլ նշում է, որ եկել է միայն հաղթանակի նպատակով։

Ժամանածների շարքում նաև ռուսազգի տղամարդ կա, որն ասում է, որ չէր կարող այս դժվարին վիճակում միայնակ թողնել իր հարազատներին ու Հայաստանը։

«Չեմ կարող, որովհետև Հայաստանն ինձ համար այնքան հարազատ երկիր է, որքան Ռուսաստանը»,– ասում է նա։

Սփյուռքահայ մեկ այլ տղամարդ էլ ասում է, որ Ալիևը պիտի հասկանա, որ պայքարում է ոչ թե 200-300 հազարանոց Արցախի դեմ, այլ 10 մլն հայության։

«Սփյուռք, Հայաստան, Արցախ չկա։ Կա մեկ ժողովուրդ, մեկ ազգ, մեկ բանակ, որ բոլորս միասին պիտի կերտենք»,– ասում է տղամարդը։

Երևան ժամանողների թվում շատ են նաև հայազգի բժիշկներ, ովքեր թողնելով արտասահմանում իրենց աշխատանքը, շտապել են հայրենիքի պաշտպաններին իրենց մասնագիտական օգնությունը ցույց տալու։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 710 զինծառայողներ և 36 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6109 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 192 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 558 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

 

թեմա:
Ադրբեջանական ագրեսիան Արցախում - 2020 (1751)

Ըստ թեմայի

«Վրեժ ունեմ լուծելու». զինհաշմանդամ դարձած Արկադի Անդրեասյանը կամավոր մեկնել է առաջնագիծ
Ճահճուտներում կենդանիները հոշոտում են ադրբեջանցիների դիերը. Արծրուն Հովհաննիսյան
Էրդողանն ասել է` չի ցանկանում, որ Ադրբեջանը դադարեցնի մարտերը. Փաշինյան
թեգերը:
կամավոր, Պատերազմ, Ղարաբաղյան հակամարտություն, Լեռնային Ղարաբաղ, Արցախ, հայ-ադրբեջանական, Ադրբեջան, Իլհամ Ալիև

Այլ տեսանյութեր

Գլխավոր թեմաներ