Պաշտպանության նախարարությունը Ալավերդյանների ընտանիքի մասին պատմող տեսանյութ է հրապարակել։ Տիկին Գայանեն զինվորական է, ամուսինը` նույնպես։ Պատերազմը սկսվելուն պես կինը երեք երեխաների հետ հղիության 38-րդ շաբաթում մեքենան վարելով Ստեփանակերտից հասել է Երևան։ Հոկտեմբերի 18-ին էլ «Շենգավիթ» ԲԿ–ում ծնվել է Վիկտորյան։
«Ամուսինս այս պահին առաջնագծում է, դեռ երեխային չի տեսել»,–պատմում է տիկին Գայանեն։
Երևանում ծնվել է արցախցի Միրզոյանների ընտանիքի 7-րդ երեխան. լուսանկար
Նրա խոսքով` թիկունքում գտնվող կանայք պետք է ուժեղ լինեն, որպեսզի տղամարդիկ հանգիստ լինեն։ Տիկին Գայանեն նշում է` ճիշտ է, հայերը երբեք չեն հարձակվել, բայց դա չի նշանակում, որ թույլ ենք։ Կինը վստահեցնում է` մենք զիջելու ոչ մի բան չունենք։
«Պետք լինի` մենք էլ մեր տղամարդկանց մոտ կկանգնենք ու կոչնչացնենք թշնամուն»,–ասում է նա։
Կինը համոզված է` ամեն ինչ լավ է լինելու. մենք հաղթող բանակ ունենք։
Կարևոր է, որ երեխաները չկորցնեն իրենց ժպիտը. Արցախի ՄԻՊ–ը պայծառ լուսանկար է հրապարակել