06:47 27 նոյեմբերի 2020
Ուղիղ եթեր
  • USD508.12
  • GBP678.90
  • EUR604.82
  • RUB6.72
Տեսանյութեր

Հակառակորդը փոխել է մարտավարությունը. Արծրուն Հովհաննիսյանը մանրամասներ է ներկայացնում

Ստանալ կարճ հղումը
Ադրբեջանական ագրեսիան Արցախում - 2020 (2211)
522540

ՀՀ ՊՆ պաշտոնական ներկայացուցիչ Արծրուն Հովհաննիսյանը Sputnik Արմենիայի եթերում ներկայացրել է իրավիճակն առաջնագծում։

Հիմնական ռազմական գործողություններն Արցախյան ճակատում ընթանում են երեք ուղղություններով` հյուսիսային, կենտրոնական և հարավարևելյան։ Տեղեկությունը  Sputnik Արմենիայի հետ զրույցում հայտնեց ՀՀ ՊՆ պաշտոնական ներկայացուցիչ Արծրուն Հովհաննիսյանը։

Հակառակորդի դիվերսիոն խմբերը պարբերաբար փորձում են ներթափանցել, սակայն Արցախի պաշտպանության բանակը կարողանում է չեզոքացնել նրանց։

«Այս պահին հակառակորդի կողմից կա որոշակի մարտավարական փոփոխություն` հիմնականում գրոհում են ոչ թե մեխանիզացված ստորաբաժանումների կազմով` տանկեր և այլն, այլ հետևակային խմբերով»–նշեց Հովհաննիսյանը։

Նա հավելեց, որ Արցախի հարավարևելյան ուղղությամբ ադրբեջանական դիվերսիոն խմբերի ներթափանցման չեզոքացման ուղղությամբ այսօր որոշակի հաջողություններ են արձանագրվել։

Անդրադառնալով ԱԹՍ–ների դեմ պայքարին` Հովհաննիսյանը նշեց, որ լիովին չեզոքացնել ԱԹՍ–ների մեծ քանակն աշխարհում ոչ մեկին չի հաջողվում։ Նա չի կարծում, որ Հայաստանին դա ավելի է հաջողվելու, քան մեծ պետություներին, որոնք 1-2 ռազմաբազայի պաշտպանության համար օգտագործում են տասնյակներով տարատեսակ ՀՕՊ և ՌԷՊ միջոցներ։ Ընդ որում, այդ պարագայում նույնպես 100 տոկոսանոց պաշտպանություն չկա ԱԹՍ–ների երամի դեմ։

Հովհաննիսյանը վստահեցրեց` Ադրբեջանի ցամաքային զորքերի զրահախմբերի բռունցքների մեծ մասը չեզոքացված է։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

թեմա:
Ադրբեջանական ագրեսիան Արցախում - 2020 (2211)

Ըստ թեմայի

Հակառակորդի փոքր խմբերը չեզոքացվում են օջախային մարտերում. Արծրուն Հովհաննիսյան
Դիվերսիոն խմբերը հիմա էլ փորձում են ներթափանցում անել. Արծրուն Հովհաննիսյան
Իրանի հետ սահմանի ամբողջ երկայնքով համառ մարտեր են ընթանում. Արծրուն Հովհաննիսյան
թեգերը:
Արցախ, Պատերազմ, Արծրուն Հովհաննիսյան

Այլ տեսանյութեր

Գլխավոր թեմաներ