06:16 27 նոյեմբերի 2020
Ուղիղ եթեր
  • USD508.12
  • GBP678.90
  • EUR604.82
  • RUB6.72
Տեսանյութեր

Ինչով են տարբեր առաջնագիծն ու թիկունքը և ինչն է միավորողը. Կարինե Խոդիկյանի հարցազրույցը

Ստանալ կարճ հղումը
Ադրբեջանական ագրեսիան Արցախում - 2020 (2211)
349 0 0

Դրամատուրգ, հրապարակախոս Կարինե Խոդիկյանը Sputnik Արմենիայի հետ զրույցում խոսել է պատերազմական իրավիճակում մտավորականի դերի մասին թե՛ առաջնագծում, թե՛ թիկունքում:

Կարինե Խոդիկյանի խոսքով՝ շատ կարևոր է մտավորականի դերն այս օրերում։ Նրանցից մեկն այսօր արցախյան հերոսի դիմանկարն է կերտում, մեկ ուրիշը գրում մեր պայքարի երգը, որ գուցե որոշ ժամանակ անց մեր սրբազան հայրենականի դրոշմը պիտի դառնա։

«Իհարկե, շատ տարբեր են առաջնագիծն ու թիկունքը։ Բայց նաև մենք այնքան միացած ենք` հոգով, սրտով, կամքով, որ չկա մեկը, որ չմտածի էլի ինչ-որ բան անելու մասին, որ մեր զավակներին, որոնք այսօր նաև մեզ են պաշտպանում, մեր լինելիությունն են պաշտպանում, գոնե ինչ-որ բանով երախտապարտ լինենք»,– ասաց նա։

Ինքը` Խոդիկյանը, խոստովանում է` իր կյանքը սկսվել է սեպտեմբերի 27-ից։ Ասում է` այն ամենը, ինչ եղել է դրանից առաջ, այսօր այլևս գոյություն չունի:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 26-ի ժամը 13։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

թեմա:
Ադրբեջանական ագրեսիան Արցախում - 2020 (2211)
թեգերը:
Կարինե Խոդիկյան, Ղարաբաղյան հակամարտություն, Լեռնային Ղարաբաղ, Արցախ, առաջնագիծ

Այլ տեսանյութեր

Գլխավոր թեմաներ