Տավուշցիներից կազմված կամավորական ջոկատները մարզվում են ռազմաճակատ մեկնելուց առաջ։ Զինպատրաստության գիտելիքներն են թարմացնում, որ միանական ուժերով հաղթեն թշնամուն։ «Զինուժ մեդիան» տեսանյութ է ներկայացրել նրանց մարզումներից։
«Ամեն մի հայ մարդու պարտավորությունն է պաշտպանել և՛ սահմանը, և՛ ընտանիքը, և՛ ժողովրդին»,- ասում է տավուշցիներից մեկը։
«Պիտի պաշտպանենք մեր երկիրը, ուրիշ տարբերակ չկա։ Ոչ մի քայլ հետ սկզբունքով»,- ավելացնում է համերկրացի արդեն մարտական ընկերը։
Ասում են՝ տրամադրությունը բարձր է, գնում են հաղթելու։
Շարքում քիչ չեն նաև արտերկրից եկած տավուշցիները, որոնք երկրի համար օրհասական այս պահին շտապել են վերադառնալ ու զինվորագրվել հայրենիքի պաշտպանությանը։
«Հաղթելու ենք, ու դա հարյուր տոկոս է»,- վստահ ասում են նրանք։
Գրեթե բոլորը սահմանամերձ համայնքներից են, շատերի համար սա առաջին պատերազմը չէ։ 90-ականներին արդեն մասնակցել են հայրենիքի պաշտպանությանն ու հաղթել են։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 26-ի ժամը 13։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
