07:06 27 նոյեմբերի 2020
Ուղիղ եթեր
  • USD508.12
  • GBP678.90
  • EUR604.82
  • RUB6.72
Տեսանյութեր

Թշնամին նռնաձորցիներին չի վախեցնում, նրանք հավատում են հայ զինվորի ուժին

Ստանալ կարճ հղումը
Ադրբեջանական ագրեսիան Արցախում - 2020 (2211)
174 0 0

Պատերազմի թիկունքում գտնվող Նռնաձոր գյուղում կյանքը բնականոն հունով է ընթանում, մարդիկ ահաբեկված չեն, ասում են՝ թող հանկարծ ժողովուրդը չմտածի, որ իրենց գյուղում կյանքը մեռած է։

Հայաստանի Հանրապետության հարավ-արևելյան ուղղության վերջին և պատերազմի թիկունքում գտնվող առաջին գյուղը Նռնաձորն է։ Այստեղ առաջինն են լսում հակառակորդի հրետակոծությունների ձայները, կրակահերթերը և զգում անօդաչուների ներկայությունը։

Չնայած դրան, նռնաձորցիները վստահեցնում են, որ իրենց բնականոն կյանքը շարունակվում է, քանի որ գիտեն հայ զինվորի քաջությունն ու վախենալու բան չունեն։

«Մեր կյանքը շարունակվում է, մենք հանգիստ, առանց վախենալու ապրում ենք այստեղ, օրվա ընթացքում դուրս ենք գալիս այգի՝ օգնում ընտանիքի անդամներին բերքահավաքի հարցում։ Անհամբեր սպասում ենք դպրոցները բացվի, որ դասի էլ գնանք»,-ասում է երիտասարդ աղջիկներից մեկը։

Աղջնակի մայրիկը հավելում է, որ երբեք թույլ չեն տա թուրքն իրենց վախեցնի։

«Ճիշտ է, բոլորիս սրտում ցավ կան, բայց այդ ցավը մեզ ավելի ուժ է տալիս։ Չենք թողնում, չենք գնում, որ մեր տղերքն իմանան ինչի համար են կռվում։ Էս հողը մենք ո՞ւմ թողնենք գնանք, այդ պատվին չենք արժանացնի թուրքին»,-ասում է երիտասարդ կինը։

Ընտանիքի տատն էլ հավելում է, որ երեխաները դուրս են գալիս բակ, խաղում են, ու հանկարծ մարդիկ չմտածեն, որ իրենց գյուղում կյանքը մեռած է։

«3 օր առաջ գնացել էի մեր հրապարակ, շատերին տեսա, զբոսնում էին, ճիշտ է՝ ձայներ լսում ենք, բայց դրանք մեզ չեն ահաբեկում, որովհետև գիտենք, թե մեզ ինչպես են պաշտպանում»,-ասում է տարեց կինը։

Գյուղի երիտասարդներից մեկն էլ ավտոմեքենայի բեռնախցիկն է ցուցադրում, որը լիքն է նռերով, ասում է՝ բերքահավաքի ժամանակն էր, հո չէին թողելու ծառերի վրա փչանար։

Ասկերանը կրկին հակառակորդի թիրախում է. ևս մեկ գյուղ է հրետակոծվել

«Այսօրվա քաղածս նուռն է, արդեն ուզող կա, տանում եմ վաճառեմ»,-ասում է երիտասարդը։

Գյուղի տարեց տղամարդկանցից մեկն էլ իր խոսքում շեշտում է, որ ոչ ոք չի պատրաստվում իր տունը լքել։ Բոլոր տղամարդիկ պատրաստ են զենք վերցնել ու մեկնել ռազմաճակատ։

«Մենք մեր հողն ու ջուրը երբեք չենք թողնի։ Մենք գրաված տարածքներ չունենք, այլ ունենք հայկական պատմական հողեր, որը ժամանակին ազատագրել ենք։ Ճիշտ են ասում զինվորները՝ եթե հետ ես նայում ու տեսնում ես գյուղում մարդ չկա, մտածում ես՝ բոլորը գնացին, բա ես մնամ այստեղ ի՞նչ անեմ։ Դրա համար գյուղերից ոչ մեկը չպետք է հետ քաշվի իր տարածքից ու լքի իր տունը»,-ասաց տարեց տղամարդը։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 221 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

թեմա:
Ադրբեջանական ագրեսիան Արցախում - 2020 (2211)

Ըստ թեմայի

Թշնամին փորձել է առաջանալ դեպի Բերձոր, բայց հաջողություն չի ունեցել. Արծրուն Հովհաննիսյան
Իրանն ուժեղացրել է հակաօդային պաշտպանությունը Հայաստանի և Ադրբեջանի սահմանին
Արցախի ՊԲ–ն հակառակորդի 2 ԱԹՍ է ոչնչացրել. տեսանյութ
թեգերը:
Գյուղ, նուռ, Արցախյան պատերազմ

Այլ տեսանյութեր

Գլխավոր թեմաներ