03:38 16 հունիսի 2021
Ուղիղ եթեր
  • USD515.68
  • GBP725.87
  • EUR625.16
  • RUB7.18
Տեսանյութեր

Հարավային Ամերիկայից մինչև Եվրոպա. աշխարհի հայերը շարունակում են հանրահավաքները

Ստանալ կարճ հղումը
Ադրբեջանական ագրեսիան Արցախում - 2020 (2227)
22220

Խաղաղ հանրահավաքներ են կազմակերպվել Արգենտինայում ու Լեհաստանում: Հավաքի մասնակիցները երգել են հայրենասիրական երգեր ու միասին աղոթել Արցախի հաղթանակի համար:

Սփյուռքի հայերը շարունակում են աշխարհի տարբեր երկրներում բողոքի ակցիաներ իրականացնել` ի աջակցություն Արցախի և հայ ժողովրդի:

Հոկտեմբերի 31-ին նման ակցիան է կազմակերպվել Արգենտինայի մայրաքաղաք Բուենոս Այրեսում։ Արգենտինահայերն աշխարհին իրազեկել են, թե ինչ վայրագություններ են իրականացնում Արցախում ադրբեջանա-թուրքական տանդեմն ու իսլամիստ վարձկան ահաբեկիչները:

Խաղաղ ակցիայի մասնակիցները միասին աղոթել են Արցախի հաղթանակի համար, նրանք նաև հայրենասիրական ու ֆիդայական երգեր են կատարել:

Նույն օրը Լեհաստանում հայերը փակել են Լեհաստան-Գերմանիա միջպետական ճանապարհը` ի պաշտպանություն Արցախի և Հայաստանի:

Արցախի, Հայաստանի ու Լեհաստանի դրոշներով փողոց դուրս եկած Լեհաստանի հայ համայնքը խաղաղ հանրահավաքով երկու երկրների ուշադրությունն է հրավիրել Արցախյան խնդրի վրա՝ Եվրոպայից պահանջելով իրական գնահատական տալ Ադրբեջանի ու Թուրքիայի հակահայկական գործողություններին:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6947 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 239 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 656 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

թեմա:
Ադրբեջանական ագրեսիան Արցախում - 2020 (2227)

Ըստ թեմայի

Միջադեպ Ֆրանսիայում. թուրքերը մուրճով հարվածել են բողոքի ակցիա անող հայերից մեկի գլխին
Բողոքի ակցիաներ Թել Ավիվում և Ժնևում. իսրայելցի դուդուկահարը մասնակցում է հայերի ցույցին
Բողոքի ակցիա Իսրայելում` ընդդեմ Ադրբեջանին զենք վաճառելու. տեսանյութ
թեգերը:
Արցախյան պատերազմ, Արցախ, Ղարաբաղյան հակամարտություն, Լեռնային Ղարաբաղ, Բողոքի ակցիա, հայեր, Արգենտինա, Գերմանիա, Լեհաստան

Այլ տեսանյութեր

Գլխավոր թեմաներ