Չնայած միջազգային մակարդակով մի շարք պետություններ արդեն իսկ հայտնել են, որ Ադրբեջանը սիրիացի վարձկաններ ու ահաբեկիչներ է օգտագործում Արցախի դեմ պայքարում, սակայն պաշտոնական Բաքուն շարունակումէ պնդել, թե չկա նման բան։
ՊՆ–ն տեսանյութ է հրապարակել` ներկայացնելով նոր մանրամասներ գերեվարված սիրիացի վարձկաններից մեկի հարցաքննությունից։
Մըհըրաբ Մուհամմադ Ալ Շխայիրն, օրինակ, մեկ անգամ արդեն իսկ դատապարտվել է իր երկրում` սեփական եղբոր սպանության համար։
«Գնդապետ Մահմուդի պարտականությունն էր պիտանի զինվորների գտնել և ընդհանուր առմամբ 250 մարդ ընտրվեց` նրանց բաժանելով 50–50-ական խմբերի։ Մեզ շարեցին և ոտքով գնացինք մինչև Թուրքիայի սահման։ Սահմանապահները մեզ ոչինչ չասացին, որևէ հարց չտվեցին»,–պատմում է Ալ Շխայիրը։
250 հոգուն անցկացրել են Թուրքիայի սահմանը, ոստիկանների հսկողության տակ տեղափոխել օդանավակայան ու թուրք զինվորականների հսկողությամբ բարձրացրել օդանավ։ Վարձկանի խոսքով` ինքնաթիռում թուրք զինվորական է եղել, որն արագ փակել է դուռը։ Վարձկաններին տեղափոխել են մեկ այլ օդանավակայան, որտեղից նրանք տեղափոխվել են Ադրբեջան։
«Հոկտեմբերի 18-ի լուսադեմին Ադրբեջան հասանք։ Ադրբեջանցի զինվորականների ուղեկցությամբ մեզ տարան տեղի զինվորական օբյեկտներից մեկը։ Մեզ զենք և ադրբեջանական ԶՈւ–ի համազգեստ հատկացրին։ Մեզ հետ էր Աբու Համշան, որին մեքենա տրամադրեցին»,–ասում է Ալ Շխայիրը։
Նա հայտնում է նաև, որ տեղում ևս 250 սիրիացի վարձկաններ կային, կային նաև 70 վիրավորված կամ սպանված սիրիացի վարձկաններ։ Ալ Շխայիրի խոսքով` Ադրբեջան հասնելուն պես արդեն իսկ պարզ է եղել, որ պետք է Ղարաբաղի դեմ կռվեն։ Նրանց ասվել է, որ ոչ մեկին չպետք է կենդանի թողնել գյուղ մտնելիս` այդ թվում խաղաղ բնակիչներին։
Արցախի դեմ սանձազերծած պատերազմի առաջին իսկ օրերից հայտնի դարձավ, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Այս տեղեկությունները հաստատել էր նաև ՌԴ Արտաքին հետախուզական ծառայության պետ Սերգեյ Նարիշկինը:
ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել ղարաբաղյան հակամարտության գոտի։
Ձերբակալվել է Արցախի դեմ կռվող ահաբեկչական խմբավորման անդամներից մեկը
Հայտնի է, որ սիրիացի ահաբեկիչներին 1,5-2 հազար դոլար են խոստանում ռազմական գործողություններին 1 ամիս մասնակցելու համար։ Այս տեղեկությունը հաստատել են ոչ միայն հայաստանյան և ղարաբաղյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ։
Թուրքիան Հարավային Կովկասը լցրել է ահաբեկիչներով. ՀՀ ԱԳ նախարարի հարցազրույցը
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 1-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6997 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 241 անօդաչու սարք, 16 ուղղաթիռ, 25 ինքնաթիռ, 669 տանկ և ՀՄՄ, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
