Ապշեցնող խիզախության, հանուն հայրենիքի անձնվեր պայքարի հերոսական դրվագները շարունակվում են։ Արցախի պաշտպանության բանակի մամուլի ծառայությունը պատմել է վերջին օրերին հակամարտության գոտու ճակատային գծի հարավային ուղղությամբ իրականացված գործողության մասին։
ՊԲ 4 զինծառայողներ ներթափանցել են թշնամական ուժերի թիկունք, ոչնչացրել արցախյան դիրքերի ուղղությամբ աշխատող ականանետային դասակի ամբողջ անձնակազմը։ Տղաներն իրենց հերոսական առաքելությունն այսքանով չեն ավարտել. դատարկաձեռն չեն վերադարձել։ Թշնամուց առգրավել են կարևոր փաստաթղթեր ու սպառազինություն ու բարեհաջող վերադարձել:
ՊԲ-ն հրապարակել է տեսանյութ, որում երևում է առգրավված իրերի մի մասը. դրանք շարքում անձը հաստատող փաստաթղթեր են, նշումներով հեռախոսագիրք-նոթատետր, կնքված փաստաթղթեր, ցուցակներ, լուսանկար և այլն։
Հմուտ և կազմակերպված գործողություններով ջախջախել են թշնամուն․ նորօրյա հերոսները
Հերոս զինծառայողներն են Արամ Հայկի Զոհրաբյանը, Նվեր Սամվելի Ավանեսյանը, Արթուր Իսակի Սարկիսյանը և Արայիկ Կամոյի Հարությունյանը:
«Բարոյամարտական բարձր հատկանիշներ դրսևորելու, անձնական խիզախության ու մարտական բարդ առաջադրանքը անթերի իրականացնելու համար տղաները ներկայացվել են պետական բարձր պարգևների»,- նշված է ՊԲ հաղորդագրության մեջ։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 2-ի ժամը 19։00-ի դրությամբ` հակառակորդի կրակոցների հետևանքով Արցախում զոհվել են 1177 զինծառայողներ։ Քաղաքացիական անձանց շրջանում կա 46 զոհ ու 142 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7050 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 249 անօդաչու սարք, 16 ուղղաթիռ, 25 ինքնաթիռ, 675 տանկ և ՀՄՄ, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ:
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը
