06:31 22 հունվարի 2021
Ուղիղ եթեր
  • USD518.89
  • GBP712.54
  • EUR629.98
  • RUB7.05
Տեսանյութեր

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

Ստանալ կարճ հղումը
189420

Երևանի կենտրոնում բարձր միացված ազդանշաններով ավտոմեքենաների շարասյուներ են մոտենում Հանրապետության հրապարակին։

Հայաստանի քաղաքացիները հաշված րոպեների ընթացքում արձագանքեցին Լեռնային Ղարաբաղում պատերազմի դադարեցման և տարածքների հանձնման մասին` ՀՀ վարչապետ Նիկոլ Փաշինյանի հայտարարությանը: Քաղաքացիներն արդեն ջարդել են դռներն ու մտել ՀՀ կառավարության շենք։ Նրանք բարձրացել են 2–րդ հարկ, որտեղ նիստերի դահլիճն է, հանդիպումների սրահն ու ՀՀ վարչապետի կաբինետը։ Նրանց այնտեղ ոչ ոք դիմադրություն ցույց չտվեց։ Անվտանգության աշխատակիցները փորձեցին նրանց հետ երկխոսություն սկսել։ Բողոքող քաղաքացիներից մեկը նստեց վարչապետի աաթոռին ու մի քանի անգամ հարցրեց.

«Ո՞ւր է այդ...»։ 

Sputnik Արմենիայի թղթակիցը տեղից հայտնում է, որ կառավարության շենքում են ուժային կառույցների զինված աշխատակիցներ, սակայն նրանցից ոչ ոք զենքը գործի չդրեց և ոչ ոք ագրեսիվ չարձագանքեց քաղաքացիների պահվածքին։

Հասկանալով, որ ՀՀ վարչապետը կառավարության շենքում չէ, ակտիվիստների մի մասը նշան արեց, և բոլոր ցանկացողները մտան շենք։

Ավելի վաղ ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար ծանր, չափազանց ծանր որոշում է կայացրել:

Նա նշել էր, որ Ռուսաստանի և Ադրբեջանի նախագահների հետ ղարաբաղյան պատերազմը ժամը 01.00-ից դադարեցնելու մասին հայտարարություն է ստորագրել, շեշտելով, որ այդ որոշումը կայացրել է ռազմական իրադրության խորը վերլուծության և այդ իրադրությանն ամենալավ տիրապետող մարդկանց գնահատականի արդյունքում, նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Նոյեմբերի 9-ի ժամը 10։30-ի դրությամբ` հայկական կողմից զոհվել են 1221 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ 

Ըստ վերջին տվյալների՝ Ադրբեջանի զինված ուժերը զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում

Ըստ թեմայի

Արցախի նախագահ Արայիկ Հարությունյանը հայտարարություն է արել
Փաշինյանի հայտարարությունից հետո ՀՀ կառավարության շենքին են մոտենում մեծ թվով մեքենաներ
Ղարաբաղի վերաբերյալ համաձայնագրերը կհանգեցնեն երկարաժամկետ կարգավորման. Պուտին
թեգերը:
Բողոքի ակցիա, Արցախ, տեսանյութ, ՀՀ կառավարություն

Այլ տեսանյութեր

Գլխավոր թեմաներ