19:08 04 դեկտեմբերի 2020
Ուղիղ եթեր
  • USD511.25
  • GBP689.17
  • EUR622.14
  • RUB6.88
Տեսանյութեր

«Այսօր արդեն Շուշիում նամազ է հնչել». Մատենադարանի մոտից մեկնարկել է բողոքի երթը

Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (625)
234 0 0

Հավաքվածները պահանջում են ՀՀ վարչապետ Նիկոլ Փաշինյանի հրաժարականը։ Նրաց ձեռքերում համապատասխան բովանդակությամբ պաստառներ են։

Մինչ բողոքի երթը 17 կուսակցություններն ու նրանց համակիրները հավաքվել էի Մատենադարանի մոտ։ Նրանց ձեռքերում «Արցախը ես եմ» «Հադրութը ես եմ», «Շուշին ես եմ», «Դավաճան» և այլ պաստառներ էին։

Իր ելույթում ԲՀԿ–ական պատգամավոր Նաիրա Զոհրաբյանը ցավով նշեց, որ այսօր արդեն Շուշիում նամազ է հնչել։

«Նիկոլ, և դու ասում ես` հավաքվեք իմ շուրջը։ Ամեն օր հարյուրավոր սպառնալիքներով սմս–ներ ենք ստանում քո զոմբիների բանակից։ Եթե մեր գլխից մի մազ պակասի, դու ես մեղավոր»,–ասաց նա։ Հավաքվածները սկսեցին վանկարկել. «Նիկոլ, հեռացիր»։

Հայաստանյան 17 կուսակցություններ նոյեմբերի 11–ին, ժամը 13:00-ին Երևանի Ազատության հրապարակում հանրահավաք էին կազմակերպել, որի թեման պատերազմի դադարեցման մասին որոշումն ու դրա հետ կապված հետագա անելիքներն էին։

Մինչ այդ 17 կուսակցությունների խորհուրդը պահանջել էր վարչապետ Նիկոլ Փաշինյանի և կառավարության հրաժարականը:

Այդ 17 կուսակցություններն են «Ազատությունը», «Ազգային անվտանգությունը», «Ազգային օրակարգը», «Ազգային ժողովրդավարական միությունը», «Ազգային համաձայնությունը», «Ալյանս առաջադիմական ցենտրիստականը», «Բարգավաճ Հայաստանը», «Դեմոկրատական այլընտրանքը», «Երկիր Ծիրանին», «Հայ Յեղափոխական Դաշնակցությունը», «Համերաշխությունը», «Հայաստանի ժողովրդավարական ազատական միությունը», «Հայաստանի Հանրապետականը», «Հայաստանի քրիստոնեա-դեմոկրատական միությունը», «Հայրենիքը», «Մեկ Հայաստանը» և «Սահմանադրական իրավունք միությունը»:

Ոստիկանությունը և դատախազությունը հայտարարել էին, որ ռազմական դրության ժամանակ արգելված է հավաքներ իրականացնելը։ Հանրահավաքը վերածվեց քայլերթի։ Ցուցարարները շարժվեցին դեպի կառավարության շենք, ապա Ազգային ժողով։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Այս գործով արդեն կան ձերբակալվածներ։

թեմա:
Իրադրությունը Հայաստանում և Արցախում հայտարարության ստորագրումից հետո (625)

Ըստ թեմայի

Արմեն Ռուստամյանն ասաց, թե որն է իրենց պատկերացրած լուծումն այս պարագայում
ՌԴ դեսպանը հանդիպել է Լևոն Տեր-Պետրոսյանին
Կայացել է Փաշինյանի ու «Իմ քայլի» հանդիպումը. Լենա Նազարյանը մանրամասներ է ներկայացնում
թեգերը:
Նաիրա Զոհրաբյան, Շուշի, Երևան, Բողոքի ակցիա

Այլ տեսանյութեր

Գլխավոր թեմաներ