Sputnik Արմենիայի թղթակիցները հետաքրքիր դրվագ են նկարահանել Ղարաբաղի Բերձոր (Լաչին) քաղաքի խանութներից մեկում։
Ռուս խաղաղապահը խանութ էր մտել՝ սուրճ գնելու։ Տարեց կինը դարակից երկու տուփ սուրճ հանեց, խաղաղապահը փորձեց բանկային քարտով վճարել` չիմանալով, որ խանութում միայն կանխիկ գումար են ընդունում։
— Երկուսը հերի՞ք է, - հարցրեց կինը։
—Բայց ինձ մոտ քարտ է,- պատասխանեց զինվորը։
—Ոչինչ․ փող չեմ ուզում։
—Այդպես չեմ վերցնի։
—Չէ, չէ, վերցրեք, վայ։ Վերցրեք, հիմա տոպրակի մեջ կդնեմ, - ասաց վաճառողուհին ու խաղաղապահին մեկնեց երկու տուփ սուրճով տոպրակը։
Խաղաղապահը շնորհակալություն հայտնեց վաճառողուհուն, վերցրեց սուրճն ու դուրս եկավ խանութից։ Վաճառողուհին էլ դիմեց Sputnik Արմենիայի թղթակիցներին։
«Հերիք եղավ, գցիք ինտերնետ, որ խանութս ավերեցին։ Տեսան սիրուն խանութ ա՝ կրակեցին», - դառը ժպիտով կատակեց կինը։
Բերձորը, ինչպես և ամբողջ Լաչինի շրջանը, 2020 թվականի դեկտեմբերի 1-ին փոխանցվելու է Ադրբեջանին։
Կրակը դադարեցվում է. ինչի տակ են ստորագրել Փաշինյանը, Պուտինն ու Ալիևը
