12:45 16 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Տեսանյութեր

Պատերազմող երկրում դիլետանտիզմի այս չափաքանակը բերելու էր նման հետևանքի. թուրքագետ 

Ստանալ կարճ հղումը
ՄԵՆՔ / Հակահարված (36)
118 0 0
© Sputnik

ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը «Հակահարված» հաղորդման ընթացքում անդրադարձել է հրադադարին առնչվող եռակողմ հայտարարությանը և արցախյան պատերազմին առնչվող որոշ հանգամանքների։ 

Թուրքագետ Ռուբեն Մելքոնյանի համոզմամբ`անհնար է, որ այս բարդ տարածաշրջանում գտնվող երկիրը չբախվեր տարատեսակ խնդիրների, եթե նրա ներսում կա մեծամիտ դիլետանտիզմի ու տգիտության այսքան չափաքանակ։ Հենց դա էլ բերեց նման կատաստրոֆիկ հետևանքների։ Ըստ նրա` տապալվել է մեր երախտավորների արյամբ ձեռք բերվածը, տապալվել է կայացող Արցախի միջազգային ճանաչման հեռանկարը։ 

«Այն, ինչ տեղի ունեցավ, թուրքական գլոբալ քաղաքականության մի դրվագն է, որը բավականին տեսանելի էր, ուներ թիրախային տարածաշրջաններ, որոնց նկատմամբ Թուրքիան իրականացնում է ագրեսիվ քաղաքականություն, և այդ տարածաշրջաններից մեկը, ցավոք, դարձավ Հարավային Կովկասը։ Ապրելով նման հարևանների հետ բարդ տարածաշրջանում` մենք իրավունք չունեինք տարբեր ոլորտներում առկա խնդիրների հանդեպ ունենալ ոչ պրոֆեսիոնալ վերաբերմունք։ Իրավունք չունեինք ԱԺ–ում ծավալել թուրքերին ներելու դիսկուրս` ձևավորելով «լավ թուրքերի» մասին խոսույթ»,– նշում է թուրքագետը։ 

Մելքոնյանի գնահատմամբ` մենք իրավունք չունեինք ազգային արժեհամակարգի հիմքերին թիրախային հարվածներ թույլ տալ, և հիմա բախվել ենք այն իրականության հետ, որ թուրքական ագրեսիվ քաղաքականությունը ռազմական, տնտեսական, դիվանագիտական, հոգևոր, կրոնական բաղադրիչներով այսօր ծավալվում է ամբողջ թափով, և մենք տեսնում ենք արդեն կոնկրետ դրսևորումները։ 

Թուրքիայի ծրագրերը շատ ավելին են, քան Արցախին հարված հասցնելը

Թուրքագետի դիտարկմամբ` թուրքական քաղաքականության միտումները ոչ թե դադարելու են, այլ շարունակվելու են նոր թափով, որովհետև բացվել է թուրքական սպառնալիքների, ագրեսիվ նկրտումների նոր ճակատ, ինչն ավելի վտանգավոր է։

Ըստ Մելքոնյանի` այս ամենը մեզ լրջորեն պետք է մղի իրատեսության դաշտ, որովհետև ավանդական խաղացողները, որոնք գլոբալ դիվանագիտության մեջ միշտ գտնվել են մեզ հակադիր բևեռում և ունեցել ճակատագրական վատ նշանակություն, այսօր էլ խաղի մեջ են։

Թուրք զինվորների ներկայությունը Ղարաբաղում սադրանք է, ու Էրդողանը դա հասկանում էր. Պուտին

թեմա:
ՄԵՆՔ / Հակահարված (36)

Ըստ թեմայի

Արցախն ունի սեփական բնակչությունը պաշտպանելու և թշնամուն հակահարված տալու իրավունք. ՀՀ ԱԳՆ
Հայտարարություններն այլևս բավարար չեն. Մնացականյանը կոնկրետ գործողություններ է պահանջում
Ոչ թե ագրեսիա, այլ ագրեսիայի վտանգ. Քոչարյանն ասաց` ինչպես կարող է ՌԴ-ն օգնել Հայաստանին
թեգերը:
Եռակողմ հայտարարություն, Արցախ, Պատերազմ, Ռուբեն Մելքոնյան (թուրքագետ)

Այլ տեսանյութեր

Գլխավոր թեմաներ