06:20 21 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Տեսանյութեր

Մեր բյուջեն ոչ մի առնչություն չունի պատերազմական վիճակում գտնվող երկրի տնտեսության հետ

Ստանալ կարճ հղումը
Sputnik զրույց (223)
256 0 0

«Այլընտրանք» հետազոտական կենտրոնի ղեկավար, տնտեսագիտության դոկտոր, պրոֆեսոր Թաթուլ Մանասերյանը Sputnik Արմենիայի հետ զրույցի ընթացքում խոսել է հետպատերազմյան շրջանում առկա տնտեսական իրողությունների մասին։ 

«Այլընտրանք» հետազոտական կենտրոնի ղեկավար, տնտեսագիտության դոկտոր, պրոֆեսոր Թաթուլ Մանասերյանի դիտարկմամբ` պատերազմն իրականում չի ավարտվել, հարաբերական դադար է, և տնտեսության մեջ ինչ–ինչ քայլեր ձեռնարկելու համար նախ անհրաժեշտ է գալ զրոյական վիճակի, սակայն մենք, ըստ Մանասերյանի, այժմ զորայական նիշից էլ ցածր մակարդակի վրա ենք։ 

«Եթե նախկինում մատնանշում էինք խնդիրները և ասում, թե ինչ կարելի է անել, այսօր չունենք տնտեսություն, կա միայն մասնավոր հատվածը, որն իր համառության շնորհիվ տալիս է որոշակի արդյունքներ, ինչն այնուամենայնիվ ընդհանուր տնտեսության ներուժից ցածր է։ Պատճառները շատ են` պատերազմ, համավավարակ, համախառն պահանջարկի անկում, բայց առկա իրավիճակին հավելվում է կառավարության կողմից վարվող սխալ կադրային քաղաքականությունը, որը մեզ ավելի հետ է նետում»,– նշեց տնտեսագետը։ 

Մանասերյանի կարծիքով` կար կառավարության գործունեության ծրագիր, որից վաղուց շեղվել են և որևէ դրույթ չի իրագործվել, իսկ բյուջեն, որը մեկ տարվա կտրվածքով տնտեսության ծրագիրն է, ոչ մի առնչություն չունի պատերազմական վիճակում գտնվող երկրի տնտեսության հետ։

Մեզ լարված տարի է սպասում. ԱԺ–ն քննարկում է 2021թ.–ի բյուջեի նախագիծը

Անդրադառնալով իրավիճակից դուրս գալու առաջնահերթ քայլերին, Մանսերյանն ընդգծեց ռազմարդյունաբերական համալիրի ձևավորման անհրաժեշտությունը, որովհետև պետք է պատրաստ լինել հետագա զարգացումներին, առավել ևս, որ չկա երաշխիք, թե զինված հակամարտությունը չի շարունակվի։ Տնտեսագետի համոզմամբ` անհրաժեշտ է անընդհատ գործել երկակի նշանակության ապրանքների արտադրության և տեխնոլոգիաների զարգացման ուղղությամբ։ 

Մանասերյանը հաղորդման ընթացքում անդրադարձավ նաև տնտեսական մի շարք իրողությունների, տնտեսական մոդելավորման և կառուցվածքային հարցերի, գնահատեց նաև ԵԱՏՄ ինտեգրացիոն գործընթացների ազդեցությունը Հայաստանի տնտեսության վրա։

Սոցապ բյուջեն ավելացել է, բայց կբավարարի՞ այն պատերազմի առաջացրած խնդիրների լուծմանը

թեմա:
Sputnik զրույց (223)

Ըստ թեմայի

ԵԱՏՄ–ում մեր արտահանման ու ներկրման ծավալները լավատեսություն են ներշնչում. տնտեսագետներ
Ինչպես պետք է աշխատի բիզնեսը ԵԱՏՄ-ում. Մոսկվայի ու Երևանի փորձագետներն ուղիներ են նշում
Անկայունությունը չի կարող չանդրադառնալ Հայաստանի վարկային վարկանիշի վրա․ տնտեսագետ
թեգերը:
Պատերազմ, Հայաստան, տնտեսություն, Թաթուլ Մանասերյան

Այլ տեսանյութեր

Գլխավոր թեմաներ