Երևան–Վանաձոր մայրուղին փակ է։ ՀՀ վարչապետ Նիկոլ Փաշինյանի հրաժարականը պահանջող քաղաքացիները քիչ առաջ փակել են Վանաձոր-Երևան մայրուղին:
Նրանք միացել են Հայրենիքի փրկության շարժման հայտարարած համահայաստանյան անհնազանդության ակցիաներին։
Ավելի վաղ հայտնի էր դարձել, որ այսօր գործադուլ են հայտարարել Վանաձորի մի շարք բենզա և գազալցակայաններ, նաև Լոռու մարզում գործող «Վաբատեքս» ցանցերի գործարանը։
Այս պահին Երևանում ևս անհնազանդության ակցիաններ են ընթանում։
Հիշեցնենք, որ «Հայրենիքի փրկության շարժման» դեկտեմբերի 16–ի բողոքի ակցիայի ժամանակ հայտարարվեց, որ դեկտեմբերի 22-ը համահայաստանյան գործադուլի և դասադուլի օր կլինի։ Դասադուլին միացել են ԵՊՀ և ԵՊԲՀ–ի որոշ ֆակուլտետներ, իսկ գործադուլին մասնակցելու մասին արդեն հայտարարել է Մոր և մանկան առողջության պահպանման գիտահետազոտական կենտրոնը։
Դեկտեմբերի 12-ին բժշկական համալսարանի մի շարք աշխատակիցներ միացել էին ՀՀ-ի և սփյուռքի ավելի քան 300 բուժաշխատողների պահանջին` ստեղծված վիճակի համար պատասխանատու անձանց հրաժարականների ու կառավարության ինքնակամ և անցնցում հեռացման մասին:
