08:05 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Տեսանյութեր

Լարված իրավիճակ Երևանի Բաղրամյան փողոցում

Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (798)
228 0 0
© Sputnik

Ոստիկանների ու քաղաքացիների միջև լարումն ավելի աճեց, երբ ոստիկաններից մեկը նստեց փողոցում կայանված բեռնատարներից մեկի ղեկին։

ԵՐԵՎԱՆ, 24 դեկտեմբերի - Sputnik. Երևանի Բաղրամյան պողոտա–Պռոշյան խաչմերուկում, որտեղ փողոց են փակել անհետ կորած ու գերեվարված զինծառայողների ծնողները, քիչ առաջ իրարանցում սկսվեց։ Ոստիկանությունը փորձեց ազատել փողոցը, սակայն բողոքի ակցիայի մասնակիցները թույլ չտվեցին։

Իրավիճակը թեժացավ այն ժամանակ, երբ ոստիկաններից մեկը նստեց փողոցի կենտրոնում կայանված ու երթևեկությունը փակած բեռնատարներից մեկի ղեկին։ Քաղաքացիները պահանջեցին դուրս գալ ավտոմեքենայից ու չսադրել իրենց։

Թեժ վիճաբանությունների արդյունքում ոստիկանությունը զիջեց քաղաքացիներին։ Բեռնատարի ղեկին նստած ոստիկանը ցած իջավ։

Այս պահին, սակայն, իրավիճակը շարունակում է լարված մնալ։

Բողոքի ակցիայի մասնակիցների հետ վիճաբանում են նաև կաթվածահար երթևեկության մեջ մնացած քաղաքացիներ։

Նշենք, որ ակցիայի մասնակիցները անհետ կորած ու գերեվարված զինծառայողների ծնողներն են, ովքեր իշխանությունից պահանջում են քայլեր ձեռնարկել իրենց որդիներին հայտնաբերելու ու գերությունից վերադարձնելու ուղղությամբ։

Հավելենք, որ այսօր առավոտյան բողոքի ակցաներ են տեղի ունեցել նաեւ ՀՀ կառավարության գլխավոր մասնաշենքի շրջակայքում։

Կան տուժածներ ու բերման ենթարկվածներ։

Ընդդիմությունը բողոքի ակցիան շարունակում է գլխավոր դատախազության շենքի մոտ

Հավելենք, որ Հայաստանում բողոքի ակցիաները՝ վարչապետի հրաժարականի պահանջով, սկսվել են նոյեմբերի 9-ին Արցախում հրադադար հաստատելու վերաբերյալ եռակողմ հայտարարության ստորագրումից հետո։

Ընդդիմադիր կուսակցությունների նախաձեռնությամբ ստեղծվել է Հայրենիքի փրկության շարժում, որը վարչապետի միասնական թեկնածու ունի` Հանրային խորհրդի նախկին նախագահ Վազգեն Մանուկյանը։

Դեկտեմբերի 22–ից ընդդիմադիրները նստացույց են հայտարարել ու գիշերում են Հանրապետության հրապարակում տեղադրված վրաններում։

թեմա:
Իրադրությունը Հայաստանում և Արցախում հայտարարության ստորագրումից հետո (798)

Ըստ թեմայի

«Իմ Արցախ, իմ հող ու ջուր, իմ Հայաստան». Երևանում մեկնարկել է բողոքի ակցիան
Սյունիքում լարված իրավիճակ է․ մի խումբ բնակիչներ բողոքի ակցիա են անցկացնում. տեսանյութ
Բողոքի ակցիայի մասնակիցները նախարարությունների շենքի մոտ են. տեսանյութ
թեգերը:
ընդդիմություն, Երևան, Բողոքի ակցիա

Այլ տեսանյութեր

Գլխավոր թեմաներ