Քաղտեխնոլոգ Արմեն Բադալյանի դիտարկմամբ` տարին շատ բարդ էր, որովհետև Հայաստանում տեղի ունեցավ երկու մեծ աղետ` կորոնավիրուսի առաջացում, որը տարածվել է ամբողջ աշխարհով, և արցախյան պատերազմ, որը յուրովի սրբագրեց քաղաքական շատ գործընթացներ, որովհետև պատերազմից առաջ արված վերլուծություններն այդ արհավիրքից հետո ստացան բոլորովին այլ բովանդակություն։
«Նշված երկու գործոններն էլ մեծապես ազդեցին ներքաղաքական գործընթացների վրա, դրանցից ոմանք կասեցվեցին սահմանափակումների պատճառով, մյուսներն ավելի արագ ընթացք ունեցան։ Առավել կարևոր իրադարձություններից կարելի է առանցնացնել ՍԴ–ի խնդրին վերաբերող հանրաքվեն, որն այդպես էլ չկայացավ, բնապահպանական պրոցեսները, որոնք առկախված են մինչ օրս, հայտնի կոնվենցիաների շուրջ առաջացած գործընթացները և իհարկե արցախյան պատերազմը»,– նշեց քաղտեխնոլոգը։
Բադալյանի կարծիքով` յուրաքանչյուր խնդրի պարագայում ընդդիմությունը ձգտել է առաջ տանել սեփական օրակարգն ու հասնել նպատակների իրագործմանը` չնայած երկրում առկա արտակարգ և ռազմական դրություններին։
Ընդդիմությունը կառավարությունից պահանջում է պաշտոնանկ անել վարչապետին
Այդուհանդերձ, քաղտեխնոլոգի համոզմամբ` ընդդիմությանն ընդհանուր առմամբ չհաջողվեց շատ հարցերում հասնել հաջողության, որովհետև սխալ կազմակերպչական աշխատանքներից ու թերի մարտավարությունից բացի հանրությանը չէր ներկայացնում հստակ հայեցակարգ, գործողությունների ժամանակային քարտեզ, իսկ ակցիաներից շատերն էլ կրում էին հատվածական բնույթ և չէին ամբողջացնում ընդդիմության ընդհանուր ռազմավարությունը։
Մենք իշխանության չենք ձգտում. Սեյրան Օհանյանը միացել է ընդդիմության հանրահավաքին
