08:15 21 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Տեսանյութեր

Ռուս խաղաղապահներն Արցախում հայտնաբերել ու ոչնչացրել են մոտ 19 000 պայթուցիկ առարկա

Ստանալ կարճ հղումը
66 0 0

Ռուսաստանի պաշտպանության նախարարության Միջազգային հակատականային կենտրոնի զինծառայողները շարունակում են ինժեներական հետախուզման և ականազերծման աշխատանքներ իրականացնել խաղաղապահ ուժերի պատասխանատվության գոտում։

Լեռնային Ղարաբաղում ռուս խաղաղապահները հայտնաբերել և վնասազերծել են մոտ 19 հազար պայթուցիկ առարկա։ Տեղեկությունը հաղորդում է Ռուսաստանի Դաշնության պաշտպանության նախարարությունը:

«Լեռնային Ղարաբաղում ռուս խաղաղապահ ուժերի ինժեներական ստորաբաժանումների կողմից ընդհանուր առմամբ ականազերծվել է ավելի քան 414,6 հեկտար տարածք, շուրջ 160 կիլոմետր ճանապարհ, 617 բնակելի շինություն և 20 սոցիալական նշանակության օբյեկտներ», - նշված է հաղորդագրության մեջ:

Հայտնաբերված զինամթերքն ու պայթուցիկ իրերը դուրս են բերվում բաց դաշտ, որտեղ դրանք պայթեցվում են։ Զինամթերքը, որը հնարավոր չէ տարհանել, պայթեցվում է տեղում։

«Պայթյունավտանգ առարկաների մեծ մասը, որոնք հայտնաբերում են Ռուսաստանի պաշտպանության նախարարության Միջազգային հակաականային կենտրոնի զինծառայողները, հրետանային արկեր են, ականանետներ, ձեռքի նռնակներ»,-նշված է հաղորդագրության մեջ:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

Ըստ թեմայի

Ռուս խաղաղապահները շարունակում են ականազերծել Արցախի սոցիալական օբյեկտները
Ստեփանակերտի հյուսիսային արվարձանի ականազերծման աշխատանքները մոտենում են ավարտին
Ռուս խաղաղապահները Ստեփանակերտի մոտակայքում ավելի քան 4 հա տարածք են ականազերծել
Արցախը չպայթած զինամթերքից մաքրելու համար մոտ 20 տարի կպահանջվի. ականազերծման կենտրոն
թեգերը:
խաղաղապահ, պայթուցիկ, ական, Արցախ

Այլ տեսանյութեր

Գլխավոր թեմաներ