09:18 26 հունվարի 2021
Ուղիղ եթեր
  • USD518.36
  • GBP708.60
  • EUR629.39
  • RUB6.88
Տեսանյութեր

«2–3 ժամից ուզում են վաճառել Սյունիքի մարզը». քաղաքացիները փակել են «Զվարթնոցի» ճանապարհը

Ստանալ կարճ հղումը
369001
© Sputnik

Քաղաքացիները կոչ են անում միանալ իրենց և թույլ չտալ, որ վարչապետ Նիկոլ Փաշինյանը մեկնի Մոսկվա Պուտինի և Ալիևի հետ հանդիպման։

Ինչպես նախօրոք հայտարարվել էր, ընդդիմությունն առավոտյան ժամը 8-ից փակել է  «Զվարթնոց» օդանավակայանի ճանապարհը, որ ՀՀ վարչապետ Նիկոլ Փաշինյանը չկարողանա մեկնել Մոսկվա։ 

Ազգային ժողովի աշխատակազմի ղեկավարի նախկին տեղակալ Արսեն Բաբայանը հայտարարել էր, որ արգելելու են դավաճանին մեկնելու Մոսկվա։ 

Նա կրկնել էր Հայրենիքի փրկության շարժման վարչապետի թեկնածուի` Վազգեն Մանուկյանի ավելի վաղ արված հայտարարությունն այն մասին, որ Փաշինյանը չի ներկայացնում Հայաստանը և Արցախը, չունի համապատասխան մանդատ և Հայաստանի ու Արցախի շահերի դեմ ընդունվող ցանկացած նրա որոշում ճանաչվելու է ոչ լեգիտիմ, մերժվելու է հայ ժողովրդի կողմից, չի վավերացվելու ու չեղարկվելու է իշխանափոխությունից հետո։

«2–3 ժամից ուզում են վաճառել Հայաստանի հողերը, Սյունիքի մարզը»,–ասաց հավաքված ակտիվիստներից մեկը։

Նշենք, որ ոստիկանները փորձում են բացել ճանապարհը, սակայն բողոքի ակցիայի մասնակիցները դրանից ավելի են վրդովվում` նշելով, որ ոստիկանությունը պետք է ծառայի ժողովրդին, ոչ թե «հողերը վաճառողին»։

Պուտինը Շոյգուի, Լավրովի և Նարիշկինի հետ քննարկել է վաղվա ՌԴ-ՀՀ-Ադրբեջան հանդիպումը

Նշենք, որ այսօր`հունվարի 11-ին, Մոսկվայում նախատեսված է եռակողմ հանդիպում Ռուսաստանի, Ադրբեջանի և Հայաստանի ղեկավարների միջև, ինչպես նաև առանձին Պուտին-Փաշինյան, Պուտին-Ալիև հանդիպումներ։

Փաշինյանի խոսնակ Մանե Գևորգյանը տեղեկացրել է, որ հանդիպումը լինելու է տնտեսական հարցերի, անհետ կորածների ու գերիների խնդիրների շուրջ։

Ըստ թեմայի

Ընդդիմությունն առավոտյան ժամը 8-ից փակելու է «Զվարթնոց» օդանավակայանի ճանապարհը
Ընդդիմության առաջնորդները հանդիպում են ՀՀ արտաքին գործերի նախարար Արա Այվազյանի հետ
«Նիկոլը persona non grata է Հայաստանում»․ Սաղաթելյանը՝ ընդդիմության ձեռքբերումների մասին
թեգերը:
Մոսկվա, Սյունիք, Հայաստան, ընդդիմություն, Նիկոլ Փաշինյան

Այլ տեսանյութեր

Գլխավոր թեմաներ