11:18 27 հունվարի 2021
Ուղիղ եթեր
  • USD518.26
  • GBP707.79
  • EUR628.49
  • RUB6.86
Տեսանյութեր

Սերյոժայի զոհվելուց 25 օր անց տանը մանկան ճիչ է լսվել. ծնվել է Սերյոժա Սերյոժայի Վիրաբյանը

Ստանալ կարճ հղումը
96 0 0

Ոստիկանության զոհված սերժանտ Սերյոժա Վիրաբյանը պատերազմը սկսվելուն պես մեկնել է Լոռի՝ մարտական պատրաստություն անցնելու։ Նա զոհվել է հոկտեմբերի 4-ին։

Ոստիկանությունը ռեպորտաժ է ներկայացրել, որը պատմում է ոստիկանության զոհված սերժանտ Սերյոժա Վիրաբյանի մասին։

Սերյոժա Վիրաբյանը ոստիկանության Իջևանի բաժնի պարեկապահակետային ծառայության դասակի ծառայող էր։ ՀՀ զինված ուժերում հետախույզ էր եղել, տիրապետում էր մի քանի զինատեսակների, զբաղվում էր մարտարվեստով։ Մեկ տարի առաջ էր ամուսնացել։

«Սերյոժան ՊՊԾ դասակի հարվածային ուժերից մեկն էր, ամեն միջոցառման գնում էր։ Հետախույզների, հանցագործների հայտնաբերման կամ այլ վտանգավոր միջոցառումներին նրան միշտ ընդգրկում էինք, քանի որ լավ էր կողմնորոշվում նման իրավիճակներում: Ես նրան ընդունել եմ որպես իմ երեխա»,–ասում է ՊՊԾ դասակի հրամանատար Արա Ադամյանը։

Պատերազմը սկսվելուն պես՝ սեպտեմբերի 28-ին, ծառայակից ընկերների հետ Սերյոժան մեկնել է Լոռու մարզ՝ մարտական պատրաստություն անցնելու։ Օրեր անց արդեն Արցախում էր. նա անմահացել է հոկտեմբերի 4-ին։

«Նրա ջոկի հրամանատարն եմ եղել, մի քանի տարում դարձել էինք հարազատ եղբայրներ: Պայթյունը եղավ, ու էլ չեմ տեսել Սերյոժային…»,-ասում է ընկերը՝ Արարատ Մինասյանը։

Սերյոժայի հայրը՝ Սմբատ Վիրաբյանը, հայ-ադրբեջանական առաջին պատերազմի ազատամարտիկներից է։ Մասնակցել է Տավուշի մարզի սահմանների պաշտպանական մարտերին

Սերյոժայի զոհվելուց 25 օր անց տանը մանկան ճիչ լսվեց. ծնվել է Սերյոժա Սերյոժայի Վիրաբյանը։

Ըստ թեմայի

«Միայն թե եղբորս ոչինչ չլինի». Դավիթ Կարենովիչի վերջին խոսքերն իրականացան, երազանքը` ոչ
Մոր երազը և անտառում 70 օր թաքնված Դավիթի ցանկությունը. հնարավոր է` էլի կան ողջ մնացածներ
Հոր ձայնը լսվել է. 70 օր անց գտնված Նիկոլայը ծնողներից թաքուն էր ՀՀ քաղաքացիություն ստացել
թեգերը:
որդի, երեխա, Զոհ, Արցախյան պատերազմ, ՀՀ Ոստիկանություն, ոստիկան

Այլ տեսանյութեր

Գլխավոր թեմաներ