Հայաստանի վարչապետ Նիկոլ Փաշինյանն այսօր հոսպիտալում տեսակցել է 70 օր կորած, ապա գտնված զինծառայողներին ։ «Ո՞նց ա տրամադրությունը» հարցին զինծառայողների մեծ մասը պատասխանել էր` մարտական։
Տղաները վարչապետին են ներկայացրել իրենց ծրագրերով։ Մեկը պլանավորում է Ամերիկյան համալսարան ընդունվել, մյուսը` ծրագրավորման դասերի գնալ։
Փաշինյանը տղաներին նվիրել է ժամացույցներ և իր հեղինակած «Երկրի հակառակ կողմը» գիրքը։
Հիշեցնենք, դեկտեմբերի 20-ին հայտնի դարձավ, որ ավելի քան 70 օր անհետ կորած համարված վեց զինծառայողներ ողջ են գտնվել Ադրբեջանի վերահսկողության տակ անցած տարածքներում իրականացվող որոնողական աշխատանքների արդյունքում։ Նրանց անուններն են` Արսեն Այվազյան, Դավիթ Սահակյան, Նիկոլայ Ստեփանյան, Արթուր Հարությունյան, Արման Արմաղանյան, Ռուսլան Թումանյան։
