ՀՀ քննչական կոմիտեն տեսանյութ է հրապարակել, որում երևում է, թե ինչպես են Գորիսում 22-ամյա մի աղջկա առևանգում` նրան նստեցնում են ավտոմեքենան և տանում անհայտ ուղղությամբ։
ՔԿ–ն հայտնում է, որ Գորիսի 30-ամյա բնակիչն իր եղբոր, մորեղբոր որդու և երկու ընկերների հետ նախապես պայմանավորվել է ամուսնության նպատակով առևանգել Գորիս քաղաքի 22-ամյա բնակչուհուն։ Հունվարի 13-ին` ժամը 09:30-ի սահմանում, տեղեկանալով աղջկա քաղաքի կենտրոնական հատված մեկնելու մասին, վերոհիշյալ անձանց հետ գնացել են Գ. Աշոտի փողոցում գտնվող «Զառա» խանութ-սրահի մոտ և սպասել աղջկա ժամանելուն:
Ժամը 10:15-ի սահմանում տղաները, նկատելով 22-ամյա աղջկան, նրա կամքին հակառակ առևանգել են վերջինիս և ավտոմեքենայով նրան տեղափոխել Արարատի մարզի Հայանիստ բնակավայր:
Ձեռք բերված բավարար ապացույցների հիման վրա Գորիս համայնքի 30-ամյա բնակչին և մասնակից 4 անձանց մեղադրանք է առաջադրվել ՀՀ քրեական օրենսգրքի 131-րդ հոդվածի (մարդուն առևանգելը) 2-րդ մասի 1-ին կետով, իսկ 1990թ. ծնված նույն համայնքի բնակչին՝ ՀՀ քրեական օրենսգրքի 38-131-րդ հոդվածի (մարդու առևանգման օժանդակելը) 2-րդ մասի 1-ին կետով:
Սյունիքում աղջկան առևանգելու փորձն ավարտվել է ողբերգական վթարով
22-ամյա աղջիկը ճանաչվել է տուժող և հարցաքննվել: Նախաքննությունը շարունակվում է:
Սևանի բնակչին մի խումբ անձինք առևանգել են, կրակել աջ ձեռքի ցուցամատին. ՔԿ
