Զբոսաշրջության կոմիտեի նախկին ղեկավար Զարմինե Զեյթունցյանի կարծիքով` ժամանակն է, որ Հայաստանի կառավարությունը լրջորեն քննարկի միջազգային կազմակերպությունների PR մասնագետներ հրավիրելու հարցը, որոնք ստեղծված իրավիճակում մեծապես կնպաստեն զբոսաշրջության ոլորտի առաջխաղացմանը։
Աշխարհում կորոնավիրուսի համավարակի պատճառով զբոսաշրջության ցուցանիշները կրճատվել են մոտավորապես 75 տոկոսով։
Գրեթե նույնպիսին է պատկերը նաև Հայաստանում, որտեղ համավարակին գումարվեց նաև Ադրբեջանի սանձազերծած 44-օրյա պատերազմը` իր բոլոր բացասական հետևանքներով։
Հայաստանի ամերիկյան համալսարանի հյուրանոցների և հյուրընկալության կառավարման վկայագիր շնորհող ծրագրի ղեկավար, զբոսաշրջության կոմիտեի նախկին ղեկավար Զարմինե Զեյթունցյանի խոսքով`կառավարությունը պետք է անհապաղ քայլեր ձեռնարկի հետպատերազմյան Հայաստանն աշխարհին նորովի ներկայացնելու և նոր ռազմավարություն մշակելու ուղղությամբ։
Զեյթունցյանի կարծիքով` տեղի PR մասնագետներն ի զորու չեն զբոսաշրջության ոլորտում սրընթաց պրոգրես արձանագրելու համար։ Հարկավոր է հրավիրել օտարերկրյա միջազգային կազմակերպություններում աշխատող PR մասնագետների, որոնք հետպատերազմյան երկրներում աշխատելու հաջողված փորձառություն ունեն։
Հայաստանի հարավի զբոսաշրջային գանձերը. հատուկ հետաքրքրասերների համար
Որպես օրինակ նա նշում է հարևան Վրաստանի, Ուկրաինայի, Լիբանանի և մի շարք այլ երկրների փորձը։ Այս երկրները տարիներ շարունակ գումար են ծախսել, օտարերկրյա PR մասնագետների հրավիրել, որոնք պատերազմից հետո երկրի զբոսաշրջության ոլորտին նոր թափ են հաղորդել։
