04:09 18 ապրիլի 2021
Ուղիղ եթեր
  • USD522.20
  • GBP719.54
  • EUR625.49
  • RUB6.89
Տեսանյութեր

Ճապոնիայում երկրաշարժից տուժածների թիվը հասել է 150-ի

Ստանալ կարճ հղումը
205 0 0
© Ruptly

Տեղի իշխանությունները հաղորդում են, որ Ֆուկուսիմայի շրջանի ատոմային էլեկտրակայաններում արտակարգ իրավիճակներ կամ ճառագայթման արտահոսք չի գրանցվել։

Ճապոնիայի հյուսիս-արևելքում ՝ Խաղաղ օվկիանոսում, Ֆուկուսիմա պրեֆեկտուրայի շրջանում 7,3 մագնիտուդով ուժգին երկրաշարժ է գրանցվել փետրվարի 13-ին՝ տեղական ժամանակով ժամը 23.08-ին (Երևանի ժամանակով` ժամը 18.08-ին): Տեղեկությունը հայտնում է ՌԻԱ Նովոստին։ Օջախը գտնվել է 55 կմ խորության վրա։ Ֆուկուսիմայի և Միյագի պրեֆեկտուրայում ցնցումների առավելագույն ուժգնությունը կազմել է 6-7 բալ Ճապոնական սանդղակով: Ցնցումները զգացվել են նաեւ Տոկիոյում 4 բալ ուժգնությամբ։

Այսօր կեսօրին ևս մեկ երկրաշարժ է գրանցվել Ֆուկուսիմա պրեֆեկտուրայի շրջանում, այս անգամ՝ 5,2 մագնիտուդ ուժգնությամբ։ Երկրաշարժի օջախը գտնվել է օվկիանոսում՝ 50 կմ խորության վրա։ Ճապոնիայի գլխավոր օդերևութաբանական գործակալությունը վստահեցնում է, որ ցունամիի վտանգ չկա։

Վերջին տեղեկություններով՝ երկրաշարժի հետևանքով կա մոտ 150 տուժած, զոհերի մասին չի հաղորդվում։ Երկրաշարժի հետևանքով երկրում նաև սողանքներ են տեղի ունեցել։

Տեղի իշխանությունները հաղորդում են, որ Ֆուկուսիմայի շրջանի ատոմային էլեկտրակայաններում արտակարգ իրավիճակներ կամ ճառագայթման արտահոսք չի գրանցվել։ Առանց էլեկտրականության է մնացել գրեթե 1 միլիոն տուն Կանտոյի և Տոհոկուի շրջաններում։ Էլեկտրաէներգիայի մատակարարումը որոշ շրջաններում հաջողվել է գրեթե ամբողջությամբ վերականգնել արդեն այսօր կեսօրին։

Երևանում ուժեղ երկրաշարժ չի սպասվում. ԱԻՆ-ը հերքում է

Ըստ թեմայի

Երկրաշարժը չխանգարեց. Երևանում նշում են Տրնդեզը
Ինչից է առաջանում երկրաշարժը
Երևանում երկրաշարժի հետևանքները. երեք հղի կին է հոսպիտալացվել
թեգերը:
Ճապոնիա, Երկրաշարժ

Այլ տեսանյութեր

Գլխավոր թեմաներ