10:53 27 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Տեսանյութեր

«Դավաճան, հեռացի՛ր» վանկարկման ներքո Փաշինյանը նստեց մեքենա. սկսեցին նորից բերման ենթարկել

Ստանալ կարճ հղումը
150 0 0
© Sputnik

Վարչապետի` կառավարության 3-րդ մասնաշենքից դուրս գալուց հետո ոստիկանները նորից անցան խաղաղ ակցիա անողներին բերման ենթարկելուն։

«Նիկոլ, դավաճա՛ն», «Դավաճան, հեռացի՛ր» վանկարկումների ներքո ՀՀ վարչապետ Նիկոլ Փաշինյանը հեռացավ կառավարության 3-րդ մասնաշենքից։

Նրան ուղեկցում էր վարչապետի աշխատակազմի ղեկավար Արսեն Թորոսյանը։ Լրագրողներն էլ բարձրաձայն դիմեցին Փաշինյանին, թե չի՞ ուզում մոտենալ և մի քանի հարցի պատասխանել։ Փաշինյանը, սակայն, հեռացավ տարածքից։

Դրանից հետո ոստիկանները սկսեցին բերման ենթարկել բողոքի ակցիայի մասնակիցներին։ Այս պահին շարունակում են մեծ թվով ոստիկաններ կուտակված մնալ կառավարության 3-րդ մասնաշենքի չորս կողմում։

Նշենք, որ Փաշինյանը նման վանկարկումների ներքո էլ մուտք էր գործել շենք` հանդիպելու շրջակա միջավայրի նախարարության աշխատակազմի հետ։

Հիշեցնենք, որ երեկ` փետրվարի 22-ին կայացած բողոքի երթի ավարտին ՀՅԴ ԳՄ ներկայացուցիչ, Հայրենիքի փրկության շարժման համակարգող Իշխան Սաղաթելյանը հայտարարել էր, որ վարչապետ Նիկոլ Փաշինյանը փետրվարի 23-ին` 11:30-ին, այցելելու է կառավարության 3-րդ մասնաշենք: Նա կոչ էր արել քաղաքացիներին այդ ժամին հավաքվել վերոհիշյալ մասնաշենքի դիմաց: Այսօր քաղաքացիները հավաքվել էին այդ տարածքում, սակայն ոստիկանական ուժերն ավելի շատ են, և որևէ կերպ թույլ չտվեցին մոտենալ շենքին։

Ոստիկանությունը բերման է ենթարկում քաղաքացիներին, գցեցին Sputnik Արմենիայի օպերատորին

Փաշինյանը, անվտանգության աշխատակիցների ուղեկցությամբ, անխոչընդոտ կարողացավ մուտք գործել կառավարության 3-րդ մասնաշենք։

Ըստ թեմայի

Ոստիկանությունը կառավարության շենքի մոտից բերման է ենթարկել 25 քաղաքացու
«Փաշինյանին օր ու արև չենք տալու». Սաղաթելյանը վստահեցնում է` նոր թափ կստանան ակցիաները
Իշխանությունը պահպանելու է ՀՀ–ում կարգուկանոնը և օրինականությունը. Ալեն Սիմոնյան
Ոստիկանությունը բերման է ենթարկել բողոքի ակցիա իրականացնողներից 51 -ին
թեգերը:
տեսանյութ, Հայաստան, դավաճանություն, Նիկոլ Փաշինյան

Այլ տեսանյութեր

Գլխավոր թեմաներ